Samsung brendi, sonuncu Unpacked tədbirində Galaxy S25 seriyasını elan edərkən, təəccüblü şəkildə Galaxy S25 Edge modelini də etmişdi. Bununla belə, təqdimat tədbirində cihaz barəsində çox məhdud məlumat paylaşılmışdı. İndi isə yeni flaqman səviyyəli Samsung Galaxy S25 Edge modelinin qiyməti və xüsusiyyətləri elan edilərək paylaşılıb.
Yeni sızıntılar onu göstərir ki, Galaxy S25 Edge üç rəng variantında satışa çıxarılacaq. Bunlar isə müvafiq olaraq Titanium Ice Blue, Titanium Silver və Titanium Black-dir. Maraqlısı budur ki, adlandırma sxemi həmçinin cihazın S25 Ultra kimi titan çərçivəyə sahib olacağını göstərir. İndi isə gəlin qiymət və xüsusiyyətlərə keçid edək. Beləliklə, Samsung Galaxy S25 Edge modeli Avropa bazarında 2 fərqli versiyada təklif olunacaq. Bu versiyalar isə müvafiq olaraq 12 GB RAM- 256GB Yaddaş və 12 GB RAM- 512GB Yaddaşa sahib olan versiyalardır. Qiymət tərəfində isə ilk versiya 1200-1300, ikinci versiya isə 1300-1400 qiymət aralığına sahib olacaq.
Görünən odur ki, bu qiymətləndirmə ilə, Galaxy S25 Edge modeli S25+ modelindən daha baha olacaq. Ancaq yenə də S25 Ultra ilə müqayisədə daha sərfəli bir alternativ olacağını söyləmək olar. Samsung Galaxy S25 Edge-in texniki detalları da formalaşmağa başlayıb. Qurğunun Snapdragon 8 Elite prosessoru, 12 GB RAM və 4000 mAh batareya ilə gələcəyi məlumdur. Arxa kamera tərəfində 12 MP və 200 MP ikili sensorun quraşdırılması gözlənilir. Həmçinin bildirilir ki, Galaxy S25 Edge qalınlığı Galaxy Z Fold 6-nın yalnız yarısıdır. Qeyd edək ki, Galaxy S25 Edge rəsmi olaraq aprelin 16-da təqdim olunacaq və may ayında satışa çıxarılacaq. Bununla belə, Samsung-un istehsal həcmini məhdud saxlayacağı bildirilir.
