ABŞ prezidenti Donald Trump ölkədə qadağan edilmə prosesində olan TikTok-u almaq istəyən 4 fərqli qrupun olduğunu açıqlayıb. Qeyd edək ki, TikTok, ByteDance-dan başqa heç kimə satılmadığı üçün yanvar ayında ABŞ-da qadağan edilmişdi. Lakin bu qadağa uzun çəkmədi və hakimiyyətə gəldikdən sonra Donald Trumpın qərarı ilə 75 gün təxirə salındı.
Bildirilib ki, platformanın alınması üçün son bir neçə aydır ki, təkliflər gəlir. Bu gün isə mövzu ilə bağlı açıqlama birbaşa Donald Trumpdan gəlib. ABŞ prezidentinin verdiyi açıqlamaya görə, hazırda dörd qrup TikTok almaq üçün danışıqlar aparır. Tramp bu qrupların kimlər olduğu barədə dəqiq məlumat verməsə də, onların hamısını “yaxşı şirkətlər” adlandırıb. Biz bilirik ki, bu qruplardan birinə dünyanın ən məşhur YouTuber MrBeast daxildir. MrBeast Roblox CEO tərəfindən dəstəklənib.
Bundan əlavə, iddiaçılar arasında LA Dodgers beysbol komandasının sahibi Frank McCourt-un da olduğu şayiələr yayılmışdı. Maraqlısı budur ki, Elon Musk-ın adı belə TikTok-u almaq istəyənlər arasında yer almışdı. Ümumiyyətlə, TikTok-un ABŞ-dakı taleyini həll etmək üçün aprelin 4-nə qədər vaxtı var. Yəni, gələn həftələrdə məşhur sosial media platforması olan TikTok-un başına nələr gələcəyini görəcəyik. Onu da qeyd edək ki, hökumət platformanın yarısına sahib olmaq niyyətindədir.
