NASA ilk dəfə olaraq Yerin Qlobal Yerləşdirmə Sisteminin (GPS) Ayda işləməsinə nail olub. Beləliklə, gələcək Ay missiyaları üçün vacib olacaq etibarlı naviqasiya istiqamətində mühüm addım atılıb. Dəqiq naviqasiya insanların Ayda daha uzun müddət qalmasını tələb edəcək gələcək missiyalar üçün vacibdir. Buna misal olaraq NASA-nın Artemis proqramı misal göstərilə bilər.
Martın 3-də keçirilən Ay GNSS Qəbul Təcrübəsi (LuGRE) Yerin Qlobal Naviqasiya Peyk Sisteminin (GNSS) siqnallarının Ayda istifadə oluna biləcəyini nümayiş etdirib. GNSS dəqiq yerləşdirmə, naviqasiya və vaxt məlumatlarını təmin edən peyklər şəbəkəsidir. Qeyd edək ki, NASA LuGRE texnologiyasını İtaliya Kosmik Agentliyi ilə əməkdaşlıqda hazırlayıb və Firefly Aerospace-in Blue Ghost eniş aparatı sistemi Aya çatdırıb.Enişdən dərhal sonra Goddard Kosmik Uçuş Mərkəzindəki NASA operatorları LuGRE-nin Ay səthində ilk elmi əməliyyatlarına başlayıblar. Martın 3-də LuGRE GPS və Galileo peyklərindən siqnal qəbul edə bilib. 362.000 km uzaqlıqdan gələn siqnalları korrektə edərək effektiv işlədiyi sübut edilmişdir.
NASA, həmçinin yanvarın 21-də Yerdən 338.000 km məsafəyə çataraq ən yüksək hündürlükdə GNSS siqnalının əldə edilməsi rekordunu qırıb. Bu rekord NASA-nın Maqnitosfer Çoxölçülü Missiyasının əvvəlki rekordunu üstələyib. LuGRE fevralın 20-də Ayın orbitinə çatdıqda, Yerdən 391.000 km məsafəyə çataraq GNSS yüksəklik rekordunu daha da artırıb. NASA ənənəvi olaraq kosmik gəmiləri izləmək üçün çoxşaxəli yanaşma nümayiş etdirir. O, bortda olan sensorlardan alınan məlumatları Yer üzərindəki monitorinq stansiyalarına və oradan ötürülən siqnallarla birləşdirir. GNSS məlumatlarının naviqasiya sistemlərinə inteqrasiyası avtonom naviqasiya üçün potensial həll təklif edir. O, həmçinin daimi insan müdaxiləsinə ehtiyacı azaltmaqla əməliyyatları daha səmərəli edir. Buna görə də NASA-nın bu uğuru Artemida proqramı və Marsa digər missiyalar üçün böyük əhəmiyyət kəsb edir. Gələcək missiyalarda nəqliyyat vasitələri öz yerlərini, sürətini və vaxtını müəyyən edə bilər, bu da onlara Yer üzərində daimi izləmə ehtiyacı olmadan daha dəqiq və avtonom səyahət etməyə imkan verir
