Sıfır karbon emissiyası vədi ilə məhsullarını satışa çıxarmağa başlayan Apple-a müştərilərdən reaksiya göstərilib. Belə ki, iddialarının əksinə, Apple iddiaya görə sıfır karbon emissiyası vədinə əməl edə bilməyib. Beləliklə, Apple şirkəti yenidən istehlakçıları çaşdırdığına və ya aldatdığına görə məhkəməyə verilib.
Ümumiyyətlə, illərdir bir çox mövzuda müştəriləri ilə məhkəmə çəkişmələri aparan Apple, artıq ətraf mühitlə bağlı verdiyi açıqlamalara görə məhkəməyə başlayıb. Müştərilər Apple-ın iddia etdiyi kimi karbon neytral məhsullar istehsal etmədiyini bildirirərək, şikayətlənirlər. Kaliforniyada açılan məhkəmə iddiasına görə, Apple yalandan Apple Watch Series 9 SE və Apple Watch Ultra 2 modelləri üçün karbon neytrallığı iddia edib və onların ətraf mühitə təsiri barədə yalan məlumat verib.
Müştərilər iddia edirlər ki, Apple-ın Keniyadakı Chyulu Hills və Çindəki Guinan layihələri elan edilənin əksinə olaraq karbon neytrallığı meyarlarından heç birinə cavab vermir və bu ərazilər əslində layihələr başlamazdan əvvəl artıq meşələrlə örtülmüşdü. Habelə, müştərilər bu məlumata sahib olsaydılar, sözügedən modelləri heç almazdılar deyə də açıqlama veriblər. İddiada Apple-ın yanlış ifadələrə görə cəzalandırılmasını və bu tələblərə cavab verməyən məhsullardan karbon neytrallığının aradan qaldırılmasını tələb edilib. Apple hələ də iddia ilə bağlı açıqlama verməyib.
