Xiaomi özünün flaqman smartfonu Xiaomi 15 Ultra modelini Çində keçirilən tədbirdə rəsmi olaraq təqdim edib. Cihaz yüksək ayırdetmə qabiliyyətinə malik AMOLED displey, Qualcomm-un ən güclü çipseti, Leica tərəfindən təchiz edilmiş qabaqcıl kameralar və sənayenin aparıcı peyk rabitəsi kimi xüsusiyyətlərə malikdir.
Beləliklə, yeni Xiaomi 15 Ultra modeli 6,73 düymlük 2K təsvir ölçülü LTPO OLED ekrana sahibdir. Hansı ki, bu ekran paneli 3200 nit parlaqlıq saviyyəsinə, 1-120 Hz adaptiv yenilənmə sürətinə və eləcə də 1920Hz PWM qaralma xüsusiyyətlərinə sahib olub. Qeyd edək ki, ekran paneli HDR10+ və Dolby Vision dəstəyi ilə və göz sağlamlığı üçün Xiaomi Ceramic Glass 2.0 qoruyucu ilə təklif edilir. Snapdragon 8 Elite Ultra Edition çipseti ilə təchiz edilən smartfon 16 GB-a qədər LPDDR5X RAM və 1 TB-a qədər UFS 4.1 yaddaşı ilə müşayiət olunur. Cihaz, həmçinin iki kanallı buxar-maye ayırma soyutma sistemi ilə uzunmüddətli maksimum performans vəd edir.
Kamera xüsusiyyətləri ilə ön plana çıxır
Xiaomi 15 Ultra peşəkar səviyyədə fotoqrafiya təklif edən Leica ilə işləyən dörd kameralı quraşdırma ilə gəlir. 1 düymlük 50 MP əsas kamerası və 4,3x böyütmə ilə 200 MP həlledici periskop telefoto kamerası ilə 15 Ultra fotoqrafiya təcrübəsini növbəti səviyyəyə qaldırır. Xiaomi bildirir ki, daha böyük sensora, ayırdetmə qabiliyyətinə və daha sürətli diyaframa malik olan yeni periskop kamerası ilə aşağı işıqlı foto keyfiyyəti əhəmiyyətli dərəcədə yaxşılaşdırılıb. Telefonda həmçinin 3x böyütmə ilə 50 MP telefoto kamera və 50 MP həlli, 115 ° baxış bucağı və 5 sm makro çəkilişi olan ultra geniş bucaqlı kamera yer alır.
Video həvəskarları üçün Xiaomi 15 Ultra sinematik video rejimində ACES LOG dəstəyi, kino səviyyəli rəng dəqiqliyi və limitsiz 8K qeyd təklif edir. Bundan əlavə, sabit və peşəkar keyfiyyətli video çəkiliş üfüq səviyyəsinin korreksiyasını təmin edən UIS sabitləşdirmə sistemi sayəsində mümkün olur. Habelə, 90 Vt simli və 80 Vt simsiz şarj sürətinə sahib 6000 mAs batareya həcminə sahib olan bu model tərs simsiz şarj ilə də enerji yığa bilir. Xiaomi 15 Ultra birbaşa peyk məlumat rabitəsini dəstəkləyən ilk smartfon kimi seçilir. Telefon 7 km-lik ikitərəfli diapazonlu Starlink və TianTong peykləri vasitəsilə şəbəkədənkənar zənglərə imkan verir.
Cihazda həmçinin kranda olan ultrasəs barmaq izi sensoru, Dolby Atmos-u dəstəkləyən stereo dinamiklər, Wi-Fi 7, Bluetooth 6.0, infraqırmızı sensor və IP68 suya və toza davamlılığa malik qabaqcıl texnologiyalar mövcuddur. Əgər batareya sizin üçün kifayət etmirsə Xiaomi əlavə olaraq metal tutacaq və əlavə 2000 mAh batareyadan ibarət Professional Görüntüləmə Kitini təqdim edərək ümumilikdə 137 dollar əlavə ödəməklə 8000 mAs batareyaya sahib olmağınıza imkan verir.
Xiaomi 15 Ultra Çin qiymətləri
Qiymət tərəfində isə vəziyyət bir qədər fərqlidr. Belə ki, 12-256 GB yaddaş variantı Çində 893 dollara, 16-512 GB 961 dollar, 16-1TB 1071 dollar və habelə ikili peyk versiyalı 16-1TB 1099 dollar təklif edilir. Qeyd edək ki, Xiaomi 15 Ultra-nı Klassik Qara, Gümüş, Şam Yaşıl və Ağ rəng seçimlərində öncədən sifariş etmək mümkündür, rəsmi satışları martın 3-də başlayacaq. Smartfonun qlobal təqdimatı isə 2 Mart tarixində baş tutacaq.
