Süni intellekt texnologiyaları inkişaf etdikcə onların istifadə sahələri də genişlənir. Bu gün həyatın hər sahəsinə nüfuz etməyə başlayan bu texnologiyalar kəşfiyyat orqanları tərəfindən də müxtəlif məqsədlər üçün istifadə edilməyə başlanıb. “New York Times” qəzetinin yazdığına görə, CIA müxtəlif ssenarilərə necə reaksiya verəcəklərini ölçmək üçün dünya liderlərinin xarakterlərini və keçmiş davranışlarını təqlid edən çatbotlar istifadə edir.
Keçmiş davranışları təhlil etmək və müəyyən hadisələrə necə reaksiya verəcəklərini proqnozlaşdırmaq üçün dünya liderlərinin profilini yaratmaq CIA-nın illərdir istifadə etdiyi bir texnikadır. İndiyə qədər analitiklər və psixoanalitiklər tərəfindən edilən bu analizlər, indi süni intellekt sayəsində çox daha geniş miqyasda edilə bilər. Vladimir Putin, Kim Jong Un, Xi Jinping CIA analitikləri indi bu çatbotları çoxlu alternativlərlə təqdim etməklə hansı strategiyanın ən uyğun olacağını daha yaxşı müəyyən edə bilərlər.
CIA-nın texnoloji direktoru Nand Mulchandani texnologiyanın istifadə edildiyini təsdiqləsə də, onun necə və kim tərəfindən hazırlandığı kimi sualları cavabsız qoyub. Qeyd edək ki, Mulchandani-nin CIA-də əldə etdiyi ən mühüm nailiyyətlərdən biri özəl sektorla əməkdaşlığı xeyli asanlaşdırmaq idi. Ona görə də indi belə hesab edilir ki, özəl sektor bu layihənin inkişafında mühüm rol oynamış ola bilər. Lakin, hansı şirkətin bu texnologiyanın hazırlanmasında dəstək olduğu bildirilməyib.
