Microsoft-un həmtəsisçisi Bill Gates son müsahibəsində təəccüblü açıqlamalar verib. Biznesmenin sözlərinə görə, Microsoft-un ən böyük uğursuzluğu mobil əməliyyat sistemi bazarıdır. Bir sözlə desək, Bill Gates özü etiraf edib ki, mobil cihazlar onun indiyə qədərki ən böyük səhvi imiş.
“Village Global” vençur firmasının təşkil etdiyi tədbirdə çıxış edən Gates Microsoft-un mobil əməliyyat sistemləri bazarında etdiyi səhvin onun karyerasına ən çox təsir edən hadisələrdən biri olduğunu bildirib. Qeyts öz çıxışında Microsoftun niyə Android-i əvəz edə bilmədiyini açıqlayıb. “Proqram dünyasında, xüsusən də platformalara gəldikdə, bu bazarlar qalib gəlir. Mənim ən böyük səhvim Microsoft-un Android-i əvəz etmək fürsətini əldən verməsinə səbəb olan idarəçilik səhvlərim oldu”, – deyən Gates şirkətin bu sahədə uğursuzluğunun səbəb olduğunu bildirib. Həmçinin o bu səhvinin təxminən 400 milyon dollarlıq fürsəti qaçırmasına səbəb olduğunu da etiraf edib.
Bildiyimiz kimi, Android əməliyyat sistemi 2008-ci ildə, Apple 2007-ci ildə iPhone-u təqdim etdikdən sonra təqdim edilib. Microsoft mobil bazarına yalnız 2010-cu ildə Windows Phone 7 ilə daxil olub. Bununla belə, Gates bu gecikmənin Microsoft-un taleyini müəyyən etdiyini vurğulayıb. Microsoft-un bu sahədəki uğursuzluğu onun fərdi kompüter bazarında hökmranlığı ilə tamamilə ziddiyyət təşkil edir. Bildiyiniz kimi, Windows 1990-cı illərdə fərdi kompüter bazarında hökmranlıq edib və Microsoft-u texnologiya dünyasının zirvəsinə çatdırıb. Bununla belə, Gaets qeyd edib ki, mobildə uğur fərqli bir ölçüdür və bu sahədə uğur qazansalar, “bu gün bazara nəzarət edən şirkət” olacaqlar.
