Kembric Universitetinin İqlim Təmir Mərkəzi ilə əməkdaşlıq edən Real Ice startapı yeni bir fikir ilə Arktikanı yenidən dondurmaq niyyətindədir. Belə ki, startapın yenilikçi yanaşmasına əsasən sualtı dronlar ilə ultra soyuq dəniz suyunu mövcud buz təbəqələrinə vuraraq bu məqsədə çatmaq olar.
Arktikanı yenidən dondurmaq üçün sualtı dronlardan istifadə etməyi planlaşdıran Real Ice startapı bu prosesin ildə 10 trilyon dollara başa gələcəyini, bununla belə radikal iqlim həlli təklif etdiyini bildirir. Bildiyimiz kimi, Arktika hazırda sürətli şəkildə əriyir və elm adamları bu mühüm ekosistemin dağılmasının qarşısını almaq üçün ciddi tədbirləri araşdırırlar. Bəzi ekspertlər geomühəndisliyin zəruri risk olduğunu iddia etsələr də, digərləri bunun karbon emissiyalarını azaltmaq kimi əsas məqsəddən yayındıracağından qorxurlar.
Ümumiyyətlə, Arktikadakı buzları əridikcə, açıq okean daha çox istilik udur və ərimə prosesini daha da sürətləndirir. Bu dövrlə mübarizə aparmaq üçün Kembric Universitetinin İqlim Təmir Mərkəzinin tədqiqatçıları Real Ice startapı ilə əməkdaşlıq edərək innovativ yanaşma işləyib hazırlayırlar: buz qalınlığının artırılması üçün mövcud buzun üzərinə dəniz suyunun vurulması. Real Ice şirkətinin baş direktoru Andrea Ceccolini izah edir ki, “Son iki il ərzində apardığımız sahədə sınaqlarımız göstərir ki, “buz qalınlığı” mövcud dəniz buzunun üzərində əlavə buz artımını təşviq etmək üçün təsirli bir yoldur”.
Arktika 1979-cu ildən bəri qlobal orta göstəricidən təxminən dörd dəfə daha sürətlə istiləşib. Bu, təkcə dəniz səviyyəsini yüksəltmir, həm də regionun soyutma təsirini azaltmaqla qlobal istiləşməni daha da pisləşdirir. Startap yaşıl hidrogenlə işləyən sualtı pilotsuz uçan aparatlar hazırlayır. Bu dronlar sualtından çəkdikləri dəniz suyunu buz təbəqəsinin üzərinə səpərək prosesi yavaşlada bilərlər.
