Çin avtomobil nəhənglərindən biri olan SAIC Motor bu dəfə elektrikli avtomobillər üçün dünyanın ilk maqneziumdan hazırlanmış mühərrikini təqdim edib. Beləliklə, Çinli avtomobil istehsalçıları Ar-Ge fəaliyyətləri ilə avtomobil dünyasına yeni texnologiyalar gətirməyə davam edirlər.
SAIC Motor bu yaxınlarda dünyanın ilk yarı bərk emal texnikası ilə istehsal edilən maqnezium əsaslı gövdəsi olan ikinci nəsil elektrik mühərrikini təqdim edib. Maqneziumun mühərrikin gövdəsində istifadə edilməsinin əsas səbəbi alüminiumla müqayisədə çəkiyə əhəmiyyətli dərəcədə qənaət etməyə imkan verməsidir. Yarım bərk emal texnikasını tətbiq edən dünyada ilk kütləvi istehsal edilən maqneziumdan hazırlanmıış mühərrik kimi SAIC tərəfindən təqdim edilən mühərrik AZ91D maqnezium materialına əsaslanır. Maraqlısı budur ki, mühərrikin çəkisi sadəcə 13.7 kq ağırlığındadır.
Təqdimat mərasimindəki çıxışında SAIC Engine R&D İnnovasiya Mərkəzinin Sürət Sistemi Avadanlıq Departamentinin İcraçı Direktoru Wang Jian bildirib ki, bu məhsul SAIC Engine-in yüngül və ətraf mühitə uyğun həllər hazırlamaq əzmini nümayiş etdirir. Habelə, onun sözlərinə görə yarı bərk emal texnikası maqnezium ərintilərinin emalı zamanı yaranan əsas çətinlikləri həll etməklə materialın möhkəmliyini, elastikliyini və korroziyaya davamlılığını əhəmiyyətli dərəcədə artırır. Bu yenilik sayəsində indi yeni nəsil enerji vasitələri sektorunda maqneziumun geniş miqyaslı istehsalı mümkün olub.
