Sony 2000-ci ildə çıxardığı PlayStation 2 və ya PS2 ilə bağlı gözlənilməz açıqlama verib. Belə ki, bu açıqlama ilə PlayStation 2-nin “dünyanın ən çox satılan konsolu” olduğu rəsmi olaraq təsdiqlənib.
Yaponiya mərkəzli texnologiya nəhəngi Sony-dən 2000-ci ildə təqdim edilən PlayStation 2 haqqında diqqətəlayiq bir açıqlama verilib. Rəsmi internet saytında PlayStation 2 səhifəsini sakitcə yeniləyən şirkət bu konsolun neçə ədəd satıldığını açıqlayıb. Sony-nin saytındakı yeniləmə PlayStation 2-nin “dünyanın ən çox satılan konsolu” olması ilə bağlı məlumatı təsdiqləyib. Beləliklə, gəlin görək PlayStation 2 indiyədək neçə ədəd satılıb?
Sony-nin saytındakı məlumata görə, bu günə qədər 160 milyondan çox PS 2 və ya PlayStation 2 satılıb. Qeyd edək ki, Nintendo DS 154 milyon, Nintendo Switch 146 milyon və PlayStation 4 117 milyon olmaqla siyahıda digər yerləri tutublar. Sony 2011-ci ildə PlayStation 2 satışları ilə bağlı son böyük açıqlama vermişdi. O dövrdə 150 milyon satışa çatdıqlarını açıqlayan şirkət, cəmi 1 il sonra 5 milyon daha çox konsol satdıqlarını elan edib. 2013-cü ilin yanvarında PlayStation 2-nin istehsalını dayandıran şirkətin belə köhnə konsolunun daha 5 milyon ədədini satması həqiqətən inanılmaz uğurdur.
