Xiaomi, olduqca böyük həcmə sahib 7000 mAs batareyalar ilə təchiz edilmiş yeni smartfon hazırlayır. Belə ki, 7000 mAs batareya həcmi ilə yanaşı bu smartfon Qualcomm Snapdragon 8s Elite çipseti ilə təchiz ediləcək.
Ən etibarlı mənbələrdən hesab olunan Digital Chat Station-un paylaşdığı məlumata görə, Snapdragon 8 Elite çipseti Snapdragon 8s Gen 3-ün varisi olacaq. Habelə, o performans cəhətdən Snapdragon 8 Elite-dan daha aşağıda olacaq. Qısacası desək bu çipset 8 Elite ilə müqayisədə daha sərfəli olacaq və əhəmiyyətli performans, səmərəlilik kimi xüsusiyyətlərə sahib olacaq.
Nəhəng 7000 mAs batareya ilə təchiz ediləcək Xiaomi smartfonu 90 Vt sürətli şarj dəstəyi də təklif edəcək. Cihazın dəqiq model nömrəsi və markası hələ məlum deyil, lakin ilkin iddialara Xiaomi-nin yeni rebrendinq edən Redmi brendini işarə edir. Belə ki, bu smartfon potensial olaraq Redmi Turbo 4Pro və ya Redmi K90 adlı ilə satışa çıxarıla bilər. Çünki, “SM8735” model nömrəsi bu ilin əvvəlində HyperOS proqramında aşkar edilib. Bundan əlavə, Redmi bu gün Çində 6500 mAh-a qədər batareya və 120 Vt sürətli şarj dəstəyi ilə K80 seriyasını təqdim edəcək. Hansı ki, seriya daxilində K80 və K80 Pro olmaqla 2 model yer alır. Hər iki smartfon da 1800 nit parlaqlıq səviyyəsinə malik premium 2K AMOLED ekrana sahib olacaq.
