Xiaomi Redmi markasının loqosunun yenilənmiş versiyası ilə bütün diqqətləri öz üzərinə cəlb edib. Belə ki, şirkət Redmi brendinin bundan sonra daha müasir görünüşlü loqo ilə qlobal bazarda iştirak edəcəyini elan edib.
Son dövrlərdə həm elektromobil, həm smartfon tərəfində böyük layihələr üzərində çalışan Xiaomi, Redmi markasının “rebrendinq” prosesinə girdiyini, loqosunu və istifadə etdiyi şrifti yenilədiyini açıqlayıb. 2013-cü ildən büdcədostu smartfon modelləri ilə bazarda iştirak edən Redmi indi daha sadə dizayna sahib olacaq. Bundan əlavə, rebrendinq ilə birlikdə texnologiya nəhənginin artıq daha premium seqmenti hədəf alması gözlənilir.
Son zamanlarda Xiaomi 15 seriyası və HyperOS 2.0 interfeysi ilə diqqət cəlb etməyi bacaran Xiaomi brendi, indi də Redmi loqosunu yeniləyib. Şəkildə gördüyünüz kimi, Redmi-nin yeni loqosu qırmızı və kəskin xətləri ilə daha dinamik görünüş təqdim edir. Xiaomi mobil rəhbəri Lu Weibing-ə görə dəyişiklik təkcə estetik tərəfdə deyil. Belə ki, bu prosesdə yeni “Turbo” seriyası daha əvvəl “K” seriyasının tutduğu liderliyi ələ keçirəcək və “sıçrayışlara davam edəcək”. Beləliklə, Lu, Redmi brendinin yeni smartfonlarının premium seqmentə xitab edəcəyini bir növ elan edib deyə bilərik. Redmi brendinin baş meneceri Wang Teng Thomas bu dəyişikliklərin qiymətlərdə də əks olunacağını təsdiqləyib. Onun sözlərinə görə, “Yeni K seriyası indi bir flaqman olaraq yerləşdirilib, xüsusilə Pro seriyası hər aspektdə flaqman təcrübəsi yaradacaq”
