Yeni çıxan xəbərlərə görə, texnologiya nəhəngi Apple hazırda bəzi işçilərindən ağıllı eynəklər haqqında nə düşündüklərini soruşur. Görünən odur ki, Apple üzərində çalışdığı ağıllı eynək üçün yeni ideya axtarır.
Apple Vision Pro ilə VR qulaqlıq dünyasına daxil olan texnologiya nəhəngi, Bloomberg-in son xəbərlərinə görə, bəzi işçilərindən Meta-nın Ray-Ban modeli kimi rəqiblərinin satdığı ağıllı eynəklər haqqında nə düşündüklərini soruşur. Bu sahədə qət edəcəyi yolu aydınlaşdırmaq üçün müxtəlif mənbələrdən istifadə edərək rəy sorğusu keçirən Apple, keçən ay öyrəndiyimiz kimi VR qulaqlıq kateqoriyasının gələcəyi ilə bağlı fərqli düşüncələrə sahibdir.
Mark Gurmanın sözlərinə görə, şirkət “Vision” kateqoriyasında nə edə biləcəyi ilə bağlı müxtəlif planlar hazırlayır. Şirkət daxilində masaya gələn ideyalardan biri də Vision Pro-nun daha ucuz versiyasını istehsal etməkdir. Bunun üçün daha aşağı keyfiyyətli ekrana və daha aşağı keyfiyyətli materiallara malik versiya mövcud ola bilər. Şirkət daxilində danışılan başqa bir fikir isə ötən gün xəbər verdiyimiz kimi, VR qulaqlığın öz gücünü iPhone-dan almasıdır. Hansı ki, qulaqlığın emal gücü iPhone-un üzərinə düşəcək. Bu üsulla isə şirkət həm ucuz, həm də çəkisi az olacaq şəkildə dizayn əldə edə bilər.
Başqa bir fikir Meta-nın Ray-Ban ağıllı eynəkləri kimi bir model hazırlamaqdır. Gurmanın sözlərinə görə, şirkətin bu sahədə ən böyük məqsədi normal eynəklərin çəkisi və ölçülərinə malik, lakin yüksək performanslı linzalara, inteqrasiya olunmuş batareyaya, güclü CPU/GPU, kamera və gözə malik müstəqil artırılmış reallıq eynəkləri yaratmaqdır.
