Beləliklə, bu həftə Azərbaycanın ən tanınmış “ERP” platformalarından olan “ERPGO”-nun baş sponsorluğu ilə Bakıda “Odoo 18”-in təqdimat tədbiri baş tutdu. Bu möhtəşəm tədbir, rəqəmsal transformasiya və ERP həllərindəki ən son yenilikləri öyrənmək istəyən sənaye mütəxəssisləri, biznes sahibləri və texnologiya həvəskarlarını bir araya gətirərək sektorda böyük marağa səbəb oldu və 350-dən çox qonaq bu tədbirdə iştirak edirdi.
Tədbirdə Rəqəmsal Transformasiya və İş Proseslərinin Optimallaşdırılması Üzrə Seminarlar keçirildi. ERPGO komandasının təşkilatçılığı ilə keçirilən seminarlar, iş proseslərini daha da səmərəli etmək üçün faydalı məlumatları əhatə edirdi.
Həmçinin Odoo Ekspertləri ilə Sual-Cavab Sessiyaları oldu. İştirakçılar Odoo platformasının üstünlüklərini birbaşa ekspertlərdən öyrənmək imkanı qazandılar. Eyni zamanda Odoo-nun çevik və güclü tətbiqləri ilə tanış olmaq üçün canlı nümayişlər keçirildi. Müxtəlif sahələrdən olan mütəxəssislərlə tanışlıq və şəbəkələşmə üçün əvəzsiz imkanlar yaradıldı.
ERPGO rəsmiləri bildirir:
ERPGO olaraq, Azərbaycanın bizneslərini qabaqcıl ERP həlləri ilə gücləndiririk. ERP konsultasiyamız vasitəsilə müştərilərimizə mühasibat, satış, insan resursları, anbar idarəetməsi və digər sahələrdə daha səmərəli işləmələri üçün kompleks həllər təqdim edirik. Məqsədimiz müştərilərimizin iş yükünü azaltmaq və onları strateji qərarlar qəbul etməyə yönləndirməkdir.
Bu tədbir bizim üçün sadəcə bir sərgi deyil, bizneslərin inkişafına töhfə vermək üçün qurduğumuz bir platformadır. Bizi bu rəqəmsal transformasiya səyahətində müşayiət edən hər kəsə təşəkkür edirik.
Gələcək tədbirlərdən xəbərdar olmaq üçün bizi izləyin və ERPGO-nun qabaqcıl həlləri ilə tanış olun!
