Yeni ortaya çıxan xəbərdən sonra oyun sənayesi əhəmiyyətli şəkildə dəyişə bilər. Belə ki, süni intellekt tərəfindən oyun mühərriki olmadan Minecraft bənzəri oyun hazırlanıb.
Etched adlı startap, ənənəvi oyun mühərriklərindən istifadə etmədən tamamilə süni intellekt tərəfindən istehsal edilən və idarə olunan oyun konsepsiyasını təqdim edib. DecartAI və Etched ilə əməkdaşlıqda hazırlanan oyun hər cəhətdən Minecraft bənzəri kimi görünür. GPT/Claude/Stable Diffusion kimi generativ süni intellekt modellərindən tanış olduğumuz Transformator arxitekturası üçün xüsusi olaraq hazırlanmış ASIC-ləri inkişaf etdirən Etched, Decart ilə əməkdaşlıq edib. Nəticədə isə yeni Minecraft bənzəri demo oyun nümayiş etdirib.
Bu süni intellektlə dəstəklənən oyun texnologiyası oyunçulardan əmr alaraq oyun fizikası, qaydaları və qrafikasını dərhal yaradan real vaxt rejimində açıq dünya təcrübəsi təqdim edir. Oasis adlanan bu model real vaxt rejimində istifadəçilərin əmrlərinə əsaslanaraq interaktiv oyun dünyası yaradır. Digər video istehsal edən süni intellekt modellərindən fərqli olaraq, Oasis hər bir kadrı bir-bir emal edərək real vaxt rejimində reaksiya verir. Bu, istifadəçilərə virtual aləmdəki obyektlərlə təbii şəkildə qarşılıqlı əlaqədə olmağa imkan verir. Struktur, hərəkət və fizika kimi elementlər istifadəçi girişinə uyğun olaraq formalaşır. Etched-in Sohu adlı özünün inkişaf etdirdiyi sürətləndirici kartları sayəsində Oasis modelinin performansının böyük ölçüdə artırıldığı da bildirilir.
Maraqlısı budur ki, tək Nvidia H100 GPU Oasis modelini 720p təsvir ölçüsündə və saniyədə 20 kadrda işlədə bilər. Bununla belə, Etched-in səkkiz Sohu kartı eyni anda 65 istifadəçiyə 65 Oasis oyunu təklif edə bilər. Bu, Nvidia-nın təklif etdiyi tutumdan 10 dəfə çox performans artımı mənasına gəlir. Gələcəkdə isə 100 milyard parametrə malik və 4K 30 FPS-də işləyə bilən daha böyük modellər üçün hazırlıqlar aparılır.
