Beləliklə, dünyada milyonlarla istifadəçi kütləsinə sahib olan LinkedIn Avropa Birliyi tərəfindən 356 milyon dollar həcmində cərimələnib. Şirkətin cərimələnməsinin səbəb isə istifadəçi məlumatlarının emalı ilə bağlı hüquqi məsələləri əhatə edir.
“Microsoft”a məxsus “LinkedIn” 356 milyon dollar cərimələnib. Bu cəza Avropa İttifaqının Ümumi Məlumatların Qorunması Qaydası (GDPR) çərçivəsində İrlandiya Məlumatların Qorunması Komissiyası (DPC) tərəfindən tətbiq edilib. DPC, LinkedIn-in istifadəçi məlumatlarını emal etməsi ilə bağlı bir sıra pozuntular aşkar edib. Şirkət istifadəçi məlumatlarının emalı üçün etibarlı hüquqi əsasa malik olmadığını bildirib. LinkedIn “razılıq”, “qanuni maraqlar” və “müqavilə tələbləri” kimi müxtəlif əsaslar irəli sürsə də, bunların heç biri DPC tərəfindən qəbul edilməyib.
Bundan əlavə, şirkətin məlumat istifadəsi ilə bağlı istifadəçiləri lazımi səviyyədə məlumatlandırmadığı bildirilib. LinkedIn-ə üç ay ərzində Avropadakı əməliyyatlarını GDPR ilə uyğunlaşdırmaq üçün vaxt verilib. DPC sədrinin müavini Graham Doyle, bildirib ki, müvafiq hüquqi əsas olmadan şəxsi məlumatların emalı ciddi məlumatların qorunması pozuntusu hesab olunur. Nəhayət, LinkedIn cəzadan sonra lazımi addımları atacağını və reklam təcrübələrini uyğunlaşdıracağını açıqlayıb. LinkedIn sözçüsü Jonny Wing, TechCrunch-a şirkətin mətbuat otağında verilən cəza ilə bağlı bildirib ki, “Bu gün İrlandiya Məlumatların Mühafizəsi Komissiyası (IDPC) bəzi rəqəmsal reklam səylərimizlə bağlı 2018-ci ilə aid iddialarla bağlı yekun qərara gəlib. Aİ-də Ümumi Məlumatların Qorunması Qaydasına (GDPR) əməl etdiyimizə inansaq da, reklam təcrübələrimizin IDPC-nin son tarixinə qədər bu qərara uyğun gəlməsini təmin etmək üçün çalışırıq.”
