Android-in yeni rəqibi Huawei HarmonyOS Next təqdim edilib!

Beləliklə, Huawei brendi Anroid sisteminin yeni rəqibi hesab olunan HarmonyOS Next-i rəsmi olaraq elan edib. Yeni əməliyyat sistemi Google/Android ilə əlaqəni tamamilə kəsir. Huawei məruz qaldığı sanksiyalardan sonra ABŞ mərkəzli bütün texnologiya nəhənglərindən asılı olmadan fəaliyyət göstərəcək.

ABŞ-ın embarqosuna görə Huawei tərəfindən hazırlanmış HarmonyOS əməliyyat sisteminin növbəti versiyası olan HarmonyOS NEXT rəsmi olaraq elan edilib. Bu sistem, bildiyiniz kimi, Android-in infrastruktur sistemindən tamamilə ayrılıb və smartfonlardan tutmuş daşına bilən cihazlara, ağıllı ev cihazlarına və avtomobillərə qədər geniş çeşiddə cihazlarda işləyəcək. Nə Android, nə də tam Linux əsaslı HarmonyOS NEXT, Huawei-nin Hongmeng nüvəsi və sistemi ətrafında qurulmuş tamamilə müstəqil arxitekturadan istifadə edir. Bununla da, sistem artıq APK proqramları dəstəkləmir və Huawei-ə görə 30% performans yaxşılaşdırılması və 20% enerjiyə qənaət təklif edir.

HarmonyOS Next yeni kilid ekranı və ev ekranını fərdiləşdirmə seçimləri, yenidən işlənmiş idarəetmə mərkəzi, daha sürətli animasiyalar və proqramların işə salınma sürətləri ilə tamamilə yenilənmiş dizaynı təqdim edir. Əlavə olaraq, bütün yeni nəsil cihazlarda olduğu kimi, Pangu böyük dil modelinə əsaslanan sistem səviyyəli AI inteqrasiyasını təklif edəcək. Yuxarıda qeyd etdiyimiz kimi Huawei HarmonyOS Next sayəsində proqram modulları və cihazın rəvanlığı arasında əlaqədə 30% artım olduğunu deyir. Bundan əlavə, ən vacib inkişaflardan biri qüsursuz vahid arxitektura və əlaqə dəstəyidir. Texnologiya nəhəngi iddia edir ki, 1,2 GB faylı iki HarmonyOS Next cihazı arasında cəmi 8 saniyəyə ötürə bilərsiniz. Təhlükəsizlik baxımından HarmonyOS Next sistem səviyyəsində qoruma təmin edən özünün inkişaf etdirdiyi Star Shield arxitekturasını təklif edir. Təhlükəsizlik tələblərinə cavab verməyən kodları və tətbiqləri yoxlayan bu sistem, təchizat səviyyəsində ‘bir açar, bir parol’ prosesi ilə üçüncü tərəf tətbiqindən asılı olmadan tək bir cihaz üçün qoruma təmin edir.

HarmonyOS Next əldə edəcək cihazlar: