Google, Chrome İnternet Mağazasında məşhur uBlock Origin reklam blokerinin silinməsini sürətləndirir. Hətta bəzi istifadəçilər uBlock Origin-in brauzerdən və mağazadan silindiyini bildirirlər.
Görünən odur ki, uzun müddətdir gözlənilən Manifest V3-ə keçid istifadəçiləri Chrome-un qeyri-adekvat reklam bloklama texnologiyasını qəbul etməyə və ya başqa brauzerə keçməyə məcbur edəcək. İstifadəçilərin son hesabatlarına görə, uBlock Origin tez bir zamanda Google Chrome İnternet Mağazasından yoxa çıxır. Belə ki, məşhur reklam blokerinin ən son qaydalara uyğun olmadığı üçün mağazadan silindiyi iddia edilir. Ancaq hələlik bəzi istifadəçilər blokerdən istifadə etməyi bacarır. Hazırda bu məqalə dərc olunarkən, apardığımız yoxlamar zamanı da uBlock Origin blokerinin hələlik Azərbaycanda aktiv şəkildə istifadə oluna bildiyini müşahidə etdik. Bununla belə, bu səhifəyə xəbərdarlıq əlavə edilib: “Bu genişləndirmə Chrome genişləndirilməsinin ən yaxşı təcrübələrinə uyğun olmadığı üçün tezliklə dəstəklənməyə bilər.”
Xatırladaq ki, Google 2018-ci ildə Manifest V3-ü təqdim etməklə Google, Manifest V2-ni əvəz edəcəyini bildirmişdi. Lakin bu keçid xüsusilə reklam blokerləri və təhlükəsizlik yönümlü digər uzantılar üçün çətin məhdudiyyətlərlə gəlir. Manifest V3 genişləndirmələri brauzer və veb məlumatlarına məhdud girişi təmin edəcək və populyar genişləndirmələrin tərtibatçılarını Chrome-dan çıxmağa məcbur edəcək. Google, Manifest V2-dən Manifest V3-ə keçidin Chrome genişləndirmə ekosistemi üçün böyük bir dəyişiklik olacağını etiraf etsə də, bu prosesdə irəliləməyə qərar verib. Chrome istifadəçiləri Google tərəfindən təqdim edilən korporativ siyasət sayəsində 2025-ci ilin iyun ayına qədər uBlock Origin-dən səmərəli istifadə etməyə davam edə biləcəklər.
