Samsung brendinin flaqman seriyasının başlanğıc səviyyəli yeni üzvü olan Galaxy S25 modelinin dizaynı sızdırılıb. İnterndə ortaya çıxan bu görüntüyə əsasən deyə bilərik ki, smartfon daha yığcam və daha incə dizayna sahib olacaq. Xatırladaq ki, daha əvvəl yeni seriyanın flaqman modeli Galaxy S25 ultra-nın dizaynı da sızdırılmışdı.
Samsungun Galaxy S seriyası uzun müddətdir ki, qabaqcıl Android smartfonlarının zirvəsindədir və şirkət bu ənənəni Galaxy S25 seriyası ilə davam etdirməkdə qərarlıdır. Bu yaxınlarda Galaxy S25 Ultra modelinin dizaynının sızdırılmasının ardınca yeni Galaxy S25 modelinin dizaynı da artıq internetdə ortaya çıxıb. Məşhur xleaks7 və veepn ilə əməkdaşlıqda sızan bu Samsung Galaxy S25 maketinin şəkilləri smartfonun dizaynının necə olacağına da işıq salır. Sızdırılan alüminium modeli göstərir ki, yeni seriyadakı standart model minimalist və müasir dizayna sahib olacaq.
Samsung Galaxy S25-in arxa tərəfində üç dairəvi kamera var və beləliklə, cihaz kamera çıxıntısı olmadan sadə və düz görünüş təqdim edir. Ön tərəfdə mərkəzləşdirilmiş selfi kamerası var və bu kamera nazik, simmetrik çərçivələrlə əhatə olunub. Üst hissədə dinamik üçün kiçik bir deşik var. Ölçülərə gəlincə, sızan model vahidinin ölçüləri 146,94 x 70,46 x 7,25 mm olaraq verilir. Bu ölçülər Galaxy S25-in sələfi S24 ilə müqayisədə daha kiçik və incə olacağını ortaya qoyur. Samsung-un bu ölçü dəyişikliyindəki məqsədinin smartfonu daha yığcam hala gətirmək və bir əllə istifadə üçün uyğun şərtləri təmin etmək olduğu düşünülür. Bu yaxınlarda sızan Galaxy S25 Ultra-nın ölçüləri 162,82 x 77,65 x 8,25 mm olaraq ifadə edilmişdi. Standart Galaxy S25, Ultra modelindən əhəmiyyətli dərəcədə daha yığcam və 1 mm daha nazik görünür.
