Apple şirkətinin ötən ay təqdim etdiyi iPhone 16 seriyasının flaqman modeli hesab olunan iPhone 16 Pro Max modelinin istehsal xərci məlum olub. Belə ki, bu modelin təkcə istehsal olunması iPhone 15 Pro Max-da belə baha başa gəlir.
ABŞ mərkəzi texnologiya nəhəngi olan Apple ötən həftələrdə hər il olduğu kimi yeni iPhone seriyasını bizlərə təqdim edib. Bazar araşdırması şirkəti TD Cowen bu seriyanın flaqman modeli olan iPhone 16 Pro Max modelinin istehsal xərci barədə hesabat paylaşıb. Araşdırmaya görə, iPhone 16 Pro Max-ın istehsalı üçün tələb olunan komponentlərin orta qiymətinin 485 dollar olduğu açıqlanıb. Bu rəqəm əvvəlki flaqman iPhone 13 Pro Max ilə müqayisədə 7 faiz (32 dollar) artım deməkdir. Qeyd edək ki, qiymət artımına səbəb olan ən böyük dəyişiklik ekran və yeni kamera sistemi ilə bağlı olub. Müqayisə üçün qeyd edək ki, Apple yeni seriyadan olan iPhone 16 və 16 Plus modellərinin qiymətlərini müvafiq olaraq 799 və 899 dollar müəyyən edib.
Daha yüksək xüsusiyyətlər təklif edən üst modellər olan iPhone 16 Pro və 16 Pro Max müvafiq olaraq 999 və 1199 dollara satışdadır. Cədvəldən göründüyü kimi, kamera və displey iPhone 16 Pro Max-ın ən bahalı komponentləridir. Belə ki, yalnız arxa kameranın quraşdırılması modelin ümumi istehsal xərclərinin 16%-ni təşkil edir. Ekran paneli və sensor ekran da arxa kamera sistemi ilə eyni qiymətə başa gəlir. Digər tərəfdən, iPhone 15 Pro Max-ın arxa kamerasının quraşdırılması 70 dollar və ya ümumi istehsal dəyərinin 15%-ni təşkil edir. Maraqlısı budur ki, A18 Pro prosessoru iPhone 15 Pro Max-da istifadə olunan A17 Pro-dan cəmi 5 dollar bahadır. Yaddaş və saxlama xərclərində 5 dollar artım oldu. Daha böyük batareya kimi digər təkmilləşdirmələrin dəyəri dəyişməz olaraq qalır. Deyəsən, Apple digər sahələrdə qənaət etməklə yüksək komponent xərclərinin bir hissəsini kompensasiya etməyi bacarıb.
