Yeni bir araşdırmaya görə, Birləşmiş Krallıqda fəaliyyət göstərən hər beş həkimdən biri öz işində süni intellekt istifadə edir. Həkimlər əsasaən xəstələrinə məktub yazmaq kimi bəzi missiyaları süni intellektə həvalə edirlər. Bununla bağlı tədqiqat isə “ВМЈ Healt and Care Informations” jurnalında dərc olunub.
Tədqiqat zamanı 1006 həkimdən öz işlərində ChatGPT və ya Bing AI kimi süni intellekt çatbotlarından istifadə edib-etmədikləri soruşulub. Sorğuda iştirak edənlərin isə təxminən 20%-i öz işlərində süni intellekt alətlərindən istifadə etdiklərini etiraf ediblər. Habelə, İngiltərədə süni intellekt istifadə edən həkimlərin 29%-i bu alətlərdən məsləhətləşmələrdən sonra xəstə ilə bağlı sənədləri hazırlamaq üçün, 28%-i isə digər diaqnozları təyin etmək üçün istifadə edir. Sorğuda iştirak edənlərin dörddə biri müalicə variantlarını tövsiyə etmək süni intellekt istifadə etdiklərini bildiriblər.
Tədqiqatlar göstərir ki, bu vasitələr əsasən inzibati vəzifələr və dəstəkləyici klinik qərarlar üçün istifadə olunur. Bununla belə, bu proqramları inkişaf etdirən şirkətlərin toplanan məlumatlardan necə istifadə etdiyi aydın deyil. Tibbi-hüquq məsləhətçisi Dr. Еlі Маіn, süni intellektin həkimlər tərəfindən istifadə olunmasının yanlışlıqlara və məxfiliyin pozulmasına yol aça biləcəyini də bildirib. Həkimlərin süni intellekt istifadə edərkən daha diqqətli olmaları və mövcud qaydalara əməl etməsinin vacib olduğunu vurğulayıb. Bəs sizcə həkimlər öz işlərində müxtəlif səbəblərdən son dövrlərin ən inqilabi texnologiyalarından biri olan süni intellekti istifadə etməlidirlər?
