Nvidia ilin ikinci rübündə 30 milyard dollarlıq rekord gəlir əldə etsə də, investorların artım gözləntilərini qarşılaya bilməyib. Bu çərçivədə Nvidia-nın səhmləri dəyər itirməyə davam edib. Qeyd edək ki, Nvidia son 3 ayda 122% rekord gəlir əldə edib və bu investorların marağını cəlb etməyib.
Nvidia Çərşənbə günü açıqladığı rüblük proqnozları ilə süni intellekt texnologiyalarına böyük sərmayə yatıran investorların gözləntilərini qarşılaya bilməyib və səhmlərinin 6 faiz azalmasına səbəb olub. Bu isə digər çip istehsalçılarının səhmlərinə təzyiq göstərərək, texnologiya sektorunda qarışıq reaksiyalara səbəb olub. Nvidia-nın böyümə sürəti və mənfəət göstəricisi son rüblərdə gözləntiləri üstələ və investorları məmnun etmişdi. Lakin bu dəfə gözləntilər o qədər yüksək idi ki, şirkətin proqnozları analitiklərin hədəflərindən bir qədər yuxarı idi və bu, investorların reaksiyasına səbəb olub. Əslində gözlənti o qədər böyük idi ki, hətta Nvidia-nın 122 faizlik gəlir artımı belə kifayət etməyib.
Nvidia-nın baş direktoru Jensen Huang süni intellekt texnologiyalarına tələbatın artmaqda davam etdiyini vurğulasa da, şirkətin yeni nəsil Blackwell çiplərinin istehsalının gecikməsi investorları əsəbiləşdirib. Şirkət dizaynını dəyişdirdikdən sonra Blackwell nümunələrini tərəfdaşlarına və müştərilərinə göndərdiyini və dördüncü rübdə bu çiplərdən bir neçə milyard dollar gəlir gözlədiyini bildirib. Nvidia səhmlərinin ucuzlaşması digər şirkətlərə də təsir edib. AMD və Broadcom kimi çip istehsalçılarının səhmləri təxminən 4 faiz ucuzlaşıb. Asiya çip istehsalçısı SK Hynix 4,5 faiz, Samsung isə 2,8 faiz ucuzlaşıb. Nvidia-nın ən böyük müştəriləri olan Microsoft, Alphabet, Amazon və Meta Platforms-un 2024-cü ildə əsaslı xərclərə 200 milyard dollardan çox xərcləməsi gözlənilir və bu xərclərin böyük hissəsi süni intellekt infrastrukturunun qurulmasına sərf olunacaq.
