Nvidia şirkəti ilə əzəli rəqib olan AMD bu dəfə süni intellekt tərəfində daha bir sərmayəyə imza atıb. Belə ki, Nvidia-nı süni intellekt tərəfində qabaqlamaq istəyən AMD bu dəfə süni intellekt üçün 4.9 milyard dollar xərcləyib.
Qeyd edək ki, AMD server həlləri hazırlayan ZT Systems-i 4,9 milyard dollara alacağını açıqlayıb. Ümumiyyətlə, Süni intellektdə irəliləyişlər dayanmadan davam edərkən, texnologiya nəhəngləri bu yarışda fərqlənmək üçün addımlar atırlar. Ən böyük avadanlıq istehsalçılarından biri olan AMD şirkəti də onlardan biridir. Xatırladaq ki, ABŞ şirkətinin Finlandiyanın süni intellekt şirkəti Silo AI-ni keçən ay satın aldığını görmüşdük. İndi isə AMD daha bir satın alma həyata keçirib. Bu dəfə isə ABŞ mərkəzli texnologiya nəhəngi ZT Systems üçün 4.9 milyard dollarından keçib.
İlkin açıqlamalara görə, AMD və ZT Systems arasındakı müqavilənin qiyməti 4,9 milyard dollardır. AMD ödənişi həm nağd, həm də səhm şəklində həyata keçirəcək. Belə ki, ödənişin 75 faizi nəğd, 25 faizi isə səhm şəklində ödəniləcək. AMD bu alışı süni intellekt sayəsində uçuşa başlayan NVIDIA ilə rəqabət aparmaq üçün edir. O, məlumat mərkəzi texnologiyalarını ZT Systems birləşməsi ilə birləşdirərək buna nail olmaq istəyir. ZT Systems indi AMD-nin məlumat mərkəzi həlləri bölməsinin bir hissəsi olacaq. AMD biznesin dizaynını və müştəri qruplarını saxlayacaq, lakin istehsal bölməsini bağlayacaq. Qeyd edək ki, ZT Systems məlumat mərkəzləri üçün serverlərin istehsalında əhəmiyyətli təcrübəyə və müştərilərə malik şirkət idi. Hətta müştəriləri arasında süni intellektə milyardlarla dollar sərmayə qoyan şirkətlər də var idi.
