Cənubi Koreya texnologiya nəhəngi Samsung artıq Galaxy S26 seriyası üçün bəzi planlar hazırlayır. Şirkətin bu planları brendin əfsanəsinə çevrilmiş daha bir modeli də yenidən görməyə imkan verə bilər. Beləliklə, analitiklər iddia edir ki, Samsung Galaxy S26 seriyasında əfsanəni yenidən canlandıra bilər.
Samsungun Galaxy S seriyası uzun illərdir ki, Android smartfon bazarında ardıcıl adlandırma sxemi ilə tanınır. Bununla belə, bu yaxınlarda yayılan iddia, Cənubi Koreya nəhənginin yaxınlaşan Galaxy S26 seriyası üçün ad dəyişikliyi edə biləcəyini göstərir. İddialara görə, Samsung Galaxy S26 Ultra modelinə yeni bir ad verməyi nəzərdən keçirir. Hətta sızıntılar işarə edir ki, bu model “Galaxy S26 Note” adlandırıla bilər və bu ad dəyişikliyi cihazın daxili S-pen xüsusiyyətini vurğulamaq üçün edilə bilər. Bu xüsusiyyət artıq istehsalı dayandırılmış Galaxy Note seriyasının ən ikonik xüsusiyyətlərindən biri hesab edilir.
Məhz bu ad dəyişikliyi və ya yeni xüsusiyyət ilə deyə bilərik ki, Samsung Galaxy S26 seriyasında əfsanəni yenidən canladıra bilər. Orta seqmentdə olan Galaxy S26+ modelinin “Galaxy S26 Pro” adlandırıla biləcəyi də iddia edilir. Belə ki, bir çox brendin portfelində “Pro” modeli tez-tez istifadə olunmağa başladığı üçün Samsung-un da bu tendensiya ilə ayaqlaşmaq istədiyi düşünülür. Lakin yenə də seriyanın əsas modeli Galaxy S26 olaraq qalacaq və heç bir dəyişiklik nəzərdə tutulmur. Galaxy S26 Ultra-nın adının Galaxy S26 Note-a dəyişdirilməsi hələ yekun məlumat deyil. Bildirilir ki, Samsung hələ də bu ad dəyişikliklərinin qiymətləndirmə mərhələsindədir, ona görə də qərarlar yekunlaşdırılmayıb. Ad dəyişikliyi gözlənildiyindən daha çox qarışıqlığa səbəb ola bilər. “Ultra” adı Galaxy S seriyasının ən yüksək cihazını ifadə edən ağırlıq daşıyır. Əgər bu ad Note olaraq dəyişdirilsə, bəzi istifadəçilər bu modelin ayrıca seriya olduğunu belə düşünə bilər.
