Xakerlər bu dəfə bir futbol klubunu hədəf alıb. Belə ki, xakerlərin son hədəfi olan futbol klubu bol sıfırlı transfer haqqını xakerlərə qapdırıb. Rəqəmsal dünya həyatımızda daha çox yer tutduqca insanların diqqətsizliyi də eyni sürətlə artıb.
Son dövrlərdə dünyanın bir çox yerində dövlət qurumlarından tutmuş özəl şirkətlərə qədər insanların çox asan rəqəmsal üsullarla aldadılması xəbərləri gündəmə gəlir. Nəhayət, futbol dünyası da kiber hücumçuların qurbanı oldu. Qətərin komandalarından olan “Əl Qarafa” Buxarestin “Styaua”sında çıxış edən Florinel Comanın transferi üçün futbolçu və klubu ilə danışıqlar aparırdı. Nəhayət, futbolçunun transferi üçün danışıqlar yekunlaşıb və imzalar atılıb. Bununla belə, 5,25 milyon avroluq transfer haqqı “Styaua Bucharest”in hesabına köçməyib. Klub və menecer Al Gharafa ilə əlaqə saxladıqda həqiqət üzə çıxıb.
Vyentamdan olan haker qrupu Steaua Bucharest e-poçt hesabını ələ keçirərək Al Gharafa ilə əlaqə saxlayıb və tranfer haqqını Vyetnamdakı hesaba köçürməsini istəyib. Futbolçunun meneceri isə FİFA-ya şikayət edərək futbol klubu tərəfindən xakerlərə qurban verilən transfer haqqını gecikmə faizi ilə birgə tələb edib. FİFA-nın verəcəyi qərar səbirsizliklə gözlənilsə də, qapdırılan transfer pulunu geri almaq mümkün görünmür.
