Samsung dünyanın ən nazik LPDDR5X DRAM çipini təqdim edərək ilkə imza atıb. Belə ki, yeni təqdim edilmiş LPDDR5X DRAM çipi sadəcə 0.65 mm qalınlığa sahibdir başqa sözlə desək, o dırnaq qədər nazikdir. Maraqlısı budur ki, bu qədər incə çip 12GB və 16GB yaddaş təklif edəcək.
Texnoloji cihazların ölçüsü azaldıqca, aparat hissələri və istehsal arxitekturası da kiçik olmalıdır. Bu mərhələdə, DRAM bazarında rəqabət davam etdikcə, həm yaddaş, həm də naziklik tərəfində yeni texnologiyalarla qarşılaşmağa davam edirik. Nəhayət, Samsung dünyanın ən nazik LPDDR5X DRAM çipini təqdim edib. Qeyd edək ki, bu yaddaş çipinin sadəcə 0.65 mm qalınlığı var. Bildiyiniz kimi, LPDDR5X yaddaşları smartfonlarla yanaşı noutbuklarda da rastlaşdığımız SODIMM DRR5-i əvəz etməyə başlayıb. Samsung dünyanın ən incə 12nm sinif çipi ilə bunu bir addım daha irəli aparır.
Əsasən sinir prosessoru (NPU) olan cihazlar üçün hazırlanmış yeni LPDDR5X DRAM 4 qatlı struktura malikdir və modul başına 12 və 16 GB-a qədər yaddaşları dəstəkləyir. Samsung-a görə, çap dövrə lövhəsi (PCB), epoksi qəlibləmə mürəkkəbi (EMC) və arxa örtük prosesində irəliləyişlərə əsaslanaraq, yeni LPDDR5X DRAM ənənəvi LPDDR5X çipləri ilə müqayisədə istiliyə davamlılıqda 21%-ə qədər təkmilləşdirmə və 9% daha incə struktur (0,65 mm) təklif edir. Bu, tipik LPDDR5X çiplərindən 0.06 mm daha nazikdir və mobil cihazlarda texnologiyanın dəyərini artırır. Bundan əlavə, daha incə DRAM paketləri cihazların içərisində hava axını yaxşılaşdıracaq və performansa müsbət töhfə verəcək.
