Ölkələr arasında gərginliyin artdığı bir vaxtda Asiya birjalarında böhranın baş verməsi Bitcoin üçün həlledici zərbə oldu. Belə ki, qiymətli varlıqlar ötən gün səhər saatlarından bəri əhəmiyyətli dərəcədə ucuzlaşıb. Xatırladaq ki, uzunmüddət ucuzlaşmağa davam edən Bitcoin son dövrlərdə yeni rekordlar qırmağa başlamışdı. İndi isə nəinki Bitcoin bütün birja yenidən çökdü.
2023-cü ildə başlayan yüksəlişini sürətləndirən kriptovalyuta bazarları Bitcoin spot ETF-nin təsdiqi ilə gözlənilməz zərbə aldı. Yenidən 70 min dolların üzərində olması hədəflənən Bitcoin əhəmiyyətli dərəcədə ucuzlaşaraq 50 min dolların altına enib. Bəs Bitcoin niyə bu qədər ani olaraq çökür buna səbəb nədir? İran və İsrail arasında yaşanan gərginliyə görə bir müddətdir ki, Bitcoin qiyməti qeyri-sabit olsa da, ilk saatlarda Yaponiya birjasında baş verən böyük eniş və Asiya birjalarının reaksiyası kriptovalyuta bazarının qan gölünə çevrilməsinə səbəb olub.
Bitcoin ağır satışlarla 50 min dolların altına düşdü. Maraqlısı budur ki, Ethereum 2100 dollardan aşağı düşdü. Digər altcoin qrupları onsuzda davam edən ucuzlaşma tendensiyasının kəskin şəkildə sürətləndiriblər. Bir gecədə 1 milyard dollar dəyərində aktivlər bazarda likvidləşib yəni satılıb. Birjanın bu qədər çökməsinə əsas səbəb, marketmeyker olan Jump şirkəti tərəfindən cəmi 800 milyon dollar dəyərində ETH aktivlərinin satışı idi. Şirkətin aktiv böhranı səbəbindən tamamilə nağd pula ehtiyac duyduğu və bu səbəbdən də kriptolarını nağlaşdırdığı ortaya çıxıb. Şirkətin hazırda 100 milyon dollar dəyərində ETH-si mövcuddur.
