Cənubi Koreya mərkəzli texnoligiya nəhəngi olan Samsung, bu dəfə dünyanın ən nazik qatlana bilən smartfonunu hazırlamaq üçün işə qoyulub. Belə ki, texnologiya nəhənginin hazırda Galaxy Z Fold Slim üzərində işlədiyi bildirilir. Ümumiyyətlə, Samsung yeni təqdim edəcəyi qatlana bilən smartfonu ilə sənayedəki liderliyi yenidən əlinə almaq niyyətindədir.
Qeyd edək ki, qatlana bilən smartfon bazarında son dövrlərdə rəqabət artıb. Hətta Samsung qatlana bilən smartfon bazarında qabaqcıl olmasına baxmayaraq yavaş-yavaş öz mövqeyini itirir. İlin ilk rübündə bazar liderliyini Huawei şirkətinə uduzan Samsung, yenidən rəqabətə daxil olmaq üçün iddalı smartfon hazırlayır. Hazırda bazarda ən çox modeli olan marka Samsung olsa da, ən nazik smartfon Honor brendinə, ən ucuz smartfon isə ZTE brendinə aiddir. Samsung, rəqabətdə nəzərəçarpacaq addımlar atmadığı üçün tənqid olunsa da, artıq rəqabətə qayıtmağı düşünür.
Cənubi Koreya mənbələrinə görə, Samsung dünyanın ən nazik qatlana bilən smartfonunu hazırlamaq üçün işə qoyulub. İddiaya görə, şirkət hər iki tərəfin qatlanarkən 7 mm qalınlığında olan bir smartfon üzərində çalışır. Qeyd edək ki, Honor Magic V3 modelində bu rəqəm 9,2 mm olduğu halda, Samsung Galaxy Z Fold 6 modelində 12,1 mm-dir. Təbii ki, belə bir incəlik iddiası özü ilə müəyyən məhdudiyyətlər də gətirəcək. Bu incəliyin S-Pen-in olmaması və daha kiçik bir batareyanın buraxılması ilə nəticələnəcəyi düşünülür. Bundan əlavə, bu modelin növbəti buraxılacaq Galaxy Z Fold Slim olacağı iddia olunur.
