ABŞ-ın Nyu-York şəhər islah departamenti məhbuslar üçün 59 min dollar xərcləyərək PlayStation oyunları alıblar. Bu oyunlar məhbuslar arasında daha yaxşı davranış qabiliyyətinin formalaşmasına təşviq etmək üçün istifadə olunacaq.
Beləliklə, Nyu-York İslah Departamenti dövlət həbsxanalarındakı məhbuslar üçün 1247 PlayStation 4 və PlayStation 5 oyunları alınması məqsədi ilə ümumilikdə 59 260 dollar xərcləyib. Bu yolla məhbuslar artıq Mortal Kombat 1, Street Fighter VI, Madden NFL və NBA 2K24 kimi oyunları oynaya biləcəklər. Qeyd edək ki, satın alınan oyunlar arasında Life is Strange: True Colors kimi hekayə yönümlü oyunlar da var. Lakin məhbuslar A Way Out adlı həbsxanadan qaçış oyununu oynaya bilməyəcəklər. Təbii ki, departament haqlı olaraq bu tərz həbsxanadan qaçış xarakterli oyunları siyahıya almayıblar.
Nyu-York İslah Departamenti yaxşı davranışları ilə seçilən məhbuslara həftəlik oyunlar təklif etməklə həbsxanadaxili münaqişlələri azaltmağa ümid edirlər. Bununla belə, yeni qərar ictimaiyyəti iki yerə bölüb. Bəzi Nyu-Yorklular və keçmiş həbsxana işçiləri pulun daha yaxşı şeylərə xərclənə biləcəyini iddia edərək, oyunun satın alınmasını tənqid ediblər. Həbsxana Nəzarətçilərinin Xeyirxahlıq Dərnəyinin prezidenti Benny Boscio bildirib ki, pul məhbuslar üçün vacib olan əsas ehtiyac ləvazimatları üçün xərclənməli idi. Digər tərəfdən, bəzi insanlar bu fikri məhbusların davranışlarını yaxşılaşdırmaq üçün yaxşı motivasiya kimi görürlər. Qərarın yekun nəticəsi isə bir müddət sonra özünü həbsxana daxilində büruzə verəcək. Bəs sizcə məhkumlara PlayStation oyunları almaq doğru qərardırmı?
