ABŞ-da məşhur mesajlaşma proqramı olan Twilio-nun 33 milyon istifadəçisinin telefon nömrəsi hakerlər tərəfindən oğurlanıb. Nömrələrin şirkətin iki faktorlu autentifikasiya sistemi Authy səbəbindən sızdırıldığı bildirilib. Ümumiyyətlə, hər şeyin rəqəmsal olduğu bu dünyada şəxsi məlumatlarımızın qorunması böyük əhəmiyyət kəsb edir. Bu səbəbdən proqramlara daxil olarkən bir çox qorunma üsulları ilə qarşılaşırıq. İki faktorlu autentifikasiya sistemi də onlardan biridir. Ən təhlükəsiz üsullardan biri olan bu sistemdə birdən çox yoxlama ilə hesablarınıza daxil ola bilərsiniz.
Bununla belə, ABŞ-da baş verən hadisə iki faktorlu autentifikasiyanın həmişə o qədər də təhlükəsiz olmaya biləcəyini ortaya çıxarıb. Ölkənin nəhəng mesajlaşma tətbiqi Twilio-da milyonlarla insanın məlumatının oğurlandığı bildirilirdi. İki faktorlu autentifikasiyaya görə 33 milyon telefon nömrəsi oğurlandığı iddia edilib. Bir haker Twilio-dan 33 milyon telefon nömrəsini oğurladığını iddia edib. Twilio çərşənbə axşamı verdiyi açıqlamada bunu təsdiqləyib və bildirib ki, “təhdidkar aktyorlar” insanların telefonlarını ələ keçiriblər.
Twilio-ya məxsus olan bu sistem iki faktorlu autentifikasiya proqramı idi və istifadəçilər öz hesablarına daxil olarkən istifadə edirdilər. Qeyd edək ki, Twilio, sistemdəki boşluq səbəbindən hesablarla bağlı məlumatlara daxil ola bildiyini və bunun təhlükəsizliyini təmin etmək üçün hərəkətə keçdiyini bildirib. Hakerlərin Twilio-nun sistemlərinə və ya digər həssas məlumatlara giriş əldə etdiyinə dair heç bir dəlil görmədiklərini bildirən şirkət Authy-nin bütün istifadəçilərinə Android və iOS-da tətbiqlərini yeniləməyi və hücumlara qarşı diqqətli olmağı tövsiyə edib. Təbii ki, baş verən bu hadisə ümumi olaraq iki faktorlu autentifikasiya sistemlərinin etibarsız olduğunu aşkar edə bilməz. Belə kİ. ABŞ-da yaşananlar sadəcə Authy ilə bağlıdır.
