J.D. Power tərəfindən avtomobillərin keyfiyyət araşdırması göstərir ki, elektrikli avtomobil sahibləri daxili yanma mühərrikli avtomobil sahiblərindən daha çox problem yaşayırlar. Beləliklə, günün sonunda deyə bilərik ki, elektrikli avtomobillər keyfiyyət tərəfində ənənəvi avtomobillərdən geri qalır.
Ümumiyyətlə, elektrikli avtomobillərin gələcək bir neçə il ərzində standart hala gəlməsi gözlənilir. Lakin indiki vəziyyətdə hələ də aradan qaldırılmalı olan maneələr var. Hal-hazırda, elektrikli avtomobil müdafiəçilərinin ən böyük arqumentləri daha az texniki xidmət və ömrünün sonunda daha az xərcdir. Lakin J.D. Power tərəfindən aparılan keyfiyyətə yönəlmiş araşdırma göstərir ki, elektrikli avtomobil sahibləri benzinlə işləyən avtomobil sahiblərindən daha çox problemlə üzləşirlər. Qeyd edək ki, J.D. Power-in hesabatında avtomobillər 100 vahidə düşən problemlərin sayına görə (PP100) qiymətləndirilir.
38 il ərzində köklü və davamlı bir araşdırma firması olaraq fəaliyyət göstərən şirkətin yeni araşdırmasına görə, daxili yanma mühərriki ilə işləyən avtomobillər üçün orta göstərici 180 PP100 elektriklə işləyən avtomobillər və hibrid avtomobillər üçün isə 266 PP100 olaraq təyin edilib. Araşdırmada Tesla-nın orta səviyyədə çıxış etdiyi, sürücülərin isə dönmə siqnalları və siləcək idarələri ilə bağlı problemləri olduğu aşkar edilib. Məlum olduğu kimi, Tesla dönmə siqnalları və siləcək qolları kimi ənənəvi hissələri çıxararaq ənənəvi avtomobil dizaynında böyük dəyişiklik edib. Lakin Tesla istifadəçilərinin əsas problemi də məhz bu hissələrin bəzən problemli çalışmasıdır.
Bu arada, Tesla araşdırmanın əvvəlki illərində hələ də siyahının sonunda idi, lakin digər elektrikli avtomobil istehsalçılarından əhəmiyyətli dərəcədə yüksəkdə yer alırdır. İndi isə Rivian kimi istehsalçılar Tesla-ya çatıb. Ram ilkin keyfiyyət baxımından ən yaxşı brend olarkən, Porsche isə ən yaxşı lüks marka olub. Digər tərəfdən, elektrikli nəqliyyat vasitələri, ümumiyyətlə, daxili yanma modellərindən daha inkişaf etmiş texnoloji xüsusiyyətlərə malikdir, bu da bəzən ilk təcrübəni çətinləşdirə bilər. Bu çətinlik həm istehlakçı, həm də istehsalçı tərəfdə yaşanır. Bütün bunlarla yanaşı araşdırmanın nəticəsi elektrikli avtomobillər tərəfində keyfiyyət problemlərinin yaşandığını bir daha sübut edib.
J.D. Power tərəfindən edilən bu araşdırmaya görə, elektrikli avtomobillərdə “keyfiyyət” məsələsi sürücüdən sürücüyə dəyişən bir fenomendir. Avtomobil istehsalçıları elektrik modellərini ən son texnologiya ilə təchiz edirlər. Bu, nəqliyyat vasitələrinin getdikcə futuristik dizaynını və ya erqonomikada daha yaxşı performans əldə etməsinə səbəb olur. Bu səbəbdən köhnə, daha doğrusu ənənəvi daxili yanma avtomobilindən hər küncdə texnologiyaya malik yeni nəsil nəqliyyat vasitələrinə keçid ilk vaxtlarda sürücülər üçün çətin ola bilər.
