HONOR brendinin aylardır gözlənilən flaqman smartfon seriyası olan HONOR 200 nəhayət təqdim edilib. Belə ki, seriya daxilində 2 ayrı versiyada HONOR 200 və HONOR 200 Pro modelləri bizlərə təqdim olunub. Artıq ölkəmizdə də rəsmi olaraq fəaliyyət göstərən texnologiya nəhəngu yeni flaqman smartfonlarını Çində təqdim edib.
Hər iki smartfon dizayn baxımından oxşardır. Eyni zamanda, onların bəzi xüsusiyyətləri eynidir. Aralarındakı ən böyük fərq isə çipset tərəfindədir. Gəlin birlikdə yeni təqdim edilən flaqman smartfonları hansı xüsusiyyətlərə sahib olduğuna nəzər salaq.
Perforasiya edilmiş və əyri ekran dizaynı ilə gələn standart HONOR 200 modeli, 2664×1200 təsvir ölçülü 6,7 düymlük ekran və 120 Hz yeniləmə tezliyi ilə təqdim edilib. Ekran parlaqlığı 4000 nit-ə qədər çata bilən smartfonun ölçüləri 161,5 mm, 74,6 mm və 7,7 mm, çəkisi isə 187 qramdır. Smartfon öz gücünü Snapdragon 7 Gen 3 çipsetindən alır. O cümlədən smartfon 8/12/16 GB RAM seçimləri ilə təklif olunur. Kamera tərəfində isə smartonun arxa hissəsində 50 MP (f/2.0) əsas, 50 MP telefoto (f/2.4) və 12 MP ultra geniş (f/2.2) kamera sensorları quraşdırılmışdır. Ön tərəfdə isə smartfon 50 MP (f/2.1) selfi kamerası ilə təchiz edilib. Smartfon 100 Vt sürətli şarj dəstəyi ilə 5200 mAh batareyaya sahibdir. HONOR-a görə, bu batareya 15 dəqiqə ərzində 57%-ə qədər dola bilir.
Seriyanın flaqman modeli olan HONOR 200 Pro isə standart model ilə eyni dizayna sahibdir. Belə ki, 2700×1224 piksel təsvir ölçülü 6,78 düymlük OLED əyri ekran və 120 Hz yeniləmə tezliyi ilə təchiz edilən smartfonun ekranı da 4000 nit maksimum parlaqlığa çata bilir. Flaqman smartfon standart modeldən fərqli olaraq biraz daha böyük ölçüdədir və ağırdır. Habelə, smartfon öz gücünü flaqman səviyyəli Snapdragon 8s Gen 3 çipsetindən alır. Qeyd edək ki, bu çipset sadəcə bir neçə ay əvvəl təqdim edilib.
Kamera tərəfində smartfon 50 MP əsas (f/1.9), 50 MP telefoto (f/2.4) və 12 MP (f/2.2) ultra geniş kamera sensorları ilə təchiz edilib. Ön tərəfdə yenə 50MP selfie kamerası mövcuddur. Cihaz 100 Vt simli və 66 Vt simsiz enerji doldurma dəstəyi ilə 5200 mAh batareya ilə təchiz edilib. Hər iki smartfon Android 14 əsasında MagicOS 8.0 ilə qutudan çıxır.
Qiymət tərəfində isə 8 GB/256 GB, 12 GB/256 GB, 12 GB/512 GB, 16 GB/256 GB və 16 GB/512 GB yaddaş seçimlərinə sahib olan HONOR 200 modeli müvafiq olaraq 345$, 372$, 414$, 414$ və 441$ qiymət etiketinə sahibdir. HONOR 200 PRO modeli isə 12/256GB 483$, 12/512GB 524$, 16/512GB 552$ və nəhayət 16GB/1TB 621$ qiymət etiketi ilə satışa çıxarılıb.
