Samsung Galaxy A83 adı ilə məlumat bazalarında yeni cihazın görünməyə başlaması, Samsung həvəskarlarını həyəcanladırıb. Belə ki, bir zamanların məşhur fırlanan kameralı smartfonunun geri-gəlib gəlməyəcəyi insanlarda böyük maraq doğurur. Gəlin görək Samsung Galaxy A80 seriyası həqiqətən 5 ildən sonra geri qayıdır?
Fərqli kamera dizaynı ilə Samsungun Galaxy A seriyasının əhəmiyyətli modellərindən biri olan Galaxy A80, artıq 5 ildir ki, təqdim edilmir. Maraqlısı budur ki, 5 ildən sonra Samsung brendi Galaxy A80 seriyasını geri qaytarmaq qərarına gəlib. Hindistan Standart Bürosunun qeyd etdiyi məlumatlara görə, Samsung Galaxy A83 adlı yeni smartfon hazırlanır. Lakin hələlik cihaz barəsində heç bir xüsusiyyət və ya təqdimat tarixi paylaşılmır. Ötən illərdə Galaxy A70, Galaxy A80 və Galaxy A90 kimi seriyalar flaqman seriyasına bir az daha yaxın idi və müəyyən flaqman xüsusiyyətləri özündə cəmləşdirirdi. Bununla belə, Samsung son zamanlarda flaqman seriyasını digər A seriyası kimi alt seriyalardan kəskin şəkildə ayırıb.
Hətta flaqman seriyalarla alt seriyalar arasına yeni Galaxy S FE modellərini yerləşdirib. Bu baxımdan, Galaxy A83 modelinin nə təklif edəcəyi maraq doğurur. Samsung-un flaqman seriyasına çox da yaxınlaşmayacağı təxmin edildiyi üçün cihazın ən azından ikonik kamera dizaynı ilə yenidən təqdim edilməsi gözlənilir.
