Apple şirkətinin əfsanəvi yaradıcı direktoru olan Ken Segall, bu dəfə şirkətin iPhone seriyasının adını dəyişdirməli olduğunu düşünür. Qeyd edək ki, Ken Segall iPhone, iPad və iMac kimi seriya adlarında i prefiksini icad edən şəxsdir. Şirkətin əfsanəvi hesab olunan yaradıcı direktoru indi bu adların rəfə qaldırılmalı olduğunu və yenilik etməyin vaxtı olduğunu düşünür.
Apple məhsullarının, xüsusilə iPhone seriyasının yaradılmasında böyük səylər göstərən Ken Seqall, iPhone seriyasının adının dəyişdirilməsinin lazım olduğunu düşünür. Apple-ın imicinə və marketinq strategiyasına böyük təsir göstərən Segall bu fikri Wired-a verdiyi müsahibədə dilə gətirib. Segall bildirib ki, Apple şirkətinin məhsullar seriyalarının adlarında olan bu “i” hərfi onların internetə qoşulması mənasını verirdi. Amma bu gün bütün qurğular internetə qoşulduğundan bu prefiksin heç bir mənası yoxdur. Segall bildirib ki, “Şirkətin bu prefiksdən imtina etməsi fikrini dəlilik hesab edəcək bir çox marketinq mütəxəssisləri olacaq”.
Ümumiyyətlə, Apple şirkəti son dövrlərdə i prefiksinin istifadəsini mərhələli şəkildə dayandırır. Belə ki, son illərdə şirkət Apple Watch, AirPods və Vision Pro kimi adlarında “i” hərfi olmayan bir çox yeni cihazlar təqdim edib. Segall, bu dəyişikliyin arxasında duran mümkün səbəbləri şərh edərkən məntiqli arqumentlər təqdim etsə də, Apple-ın iPhone-un adını dəyişməsi çox çətin bir qərar kimi görünür.
