Beləliklə, Apple uzun müddətdir gözlənilən OLED ekranlı iPad Pro və iPad Air modellərini təqdim edib. Belə ki, yeni OLED iPad Pro modellərinə 11 düymlük iPad Pro və 13 düymlük iPad Pro modelləri daxildir. Məhz bu ekranla təchiz edilmiş iPad modelləri Apple həvəskarları tərəfindən uzun müddətdir ki, gözlənilirdi. Gəlin ilk öncə iPad Pro modellərinin xüsusiyyətlərinə nəzər salaq.
Apple OLED iPad Pro modelləri nələr təklif edir?
Yeni OLED iPad Pro modelləri uzunömürlü Tandem OLED ekranları ilə təchiz edilib. Bu ekranlar rəngləri dəqiq və canlı halda təsvir etməsi ilə yanaşı unikal görüntü keyfiyyəti və 1600 nit maksimum parlaqlığa sahibdir. Xüsusilə iPad-də seriallara və filmlərə baxmağı və ya iPad-də oyun oynamağı sevənləri sevindirəcək 120 Hz yeniləmə sürətinə malik bu maye displeylər dizaynerlər və digər məzmun müəlliflərinə xitab edir. Dizayn tərəfində isə yeni planşetlərin sələflərindən heç bir fərqi yoxdur. Onu da qeyd edək ki, bu planşetlər Apple brendinin indiyə qədər təqdim etdiyi ən nazik planşet adını daşıyır. Belə ki, 11 düymlük model 5.3mm, 13 düymlük model isə 5.1 mm qalınlığındadır.
İddia edildiyi kimi, yeni OLED iPad Pro modelləri bu gün təqdim edilən M4 prosessorları ilə təchiz edilib. Məhz bu prosessor Mac səviyyəli performans təklif edir. Apple-ın açıqlamasına görə, M4 prosessoru 3 nm istehsal prosesinin ikinci nəslinə əsaslanır və ilk dəfə olaraq krana nəzarət üçün xüsusi blok təklif edilir. 10 CPU nüvəsi və 10 GPU nüvəsi olan M4 prosessoru, M2 səviyyəli enerji sərfiyyatı ilə 50% daha yüksək performans gətirdiyi üçün diqqət çəkir.
Arxa tərəfində 12 MP kamerası olan və 4K ProRes video çəkə bilən planşetlər LiDAR skanerə də sahib olub. Adaptiv flaşla kamera ilə sənədlərin skan edilməsi zamanı kölgə problemini ortadan qaldıran planşetlər, iPad Air kimi 12 meqapiksellik ön kamera və Face ID sistemini özündə cəmləşdirir. Qiymət tərəfində isə 5G dəstəyi ilə dəstəklənən M4 iPad Pro 11 düymlük model üçün 999 dollardan, 13 düymlük modeli isə 1299 dollardan başlayır.
Yeni iPad Air modelləri nələr təklif edir?
Apple brendi yeni cihazlarını təqdim etdiyi tədbirdə həmçinin yeni iPad Air modellərini təqdim edib. Bəli düz eşitdiz modellərini, çünki, Apple brendi uzun müddətdən sonra tək bir iPad Air modeli satmaqdan imtina edərək 2 fərqli ölçüdə iPad Air təklif edir. Beləliklə, Apple brendi artıq 10.9 düymlük ekrana sahib iPad Air ilə yanaşı 13 düymlük versiya da təklif edəcək. Bu model əsasən daha böyük ölçülü planşet almaq istəyən lakin iPad Pro almağa imkanı olmayan müştərilər üçün nəzərdə tutulub.
Yenilənmiş planşetlər sələfləri ilə eyni dizayn xəttini davam etdirir. Yeni planşetlər iPad Pro-dan fərqli olaraq OLED deyil, LCD panel üzərində qurulub. Apple-ın yeni iPad aksesuarları ilə uyğun gələn məhsullar dörd fərqli rəng seçiminə malikdir və güc düyməsinə inteqrasiya olunmuş Touch ID ilə asanlıqla giriş təhlükəsizliyini təmin edir. Yeni iPad Pro-lardan fərqli olaraq, M2 prosessoru ilə təchiz edilmiş, lakin hələ də həqiqətən yüksək performans göstərən yeni iPad Air modelləri uzun müddət bu performansı qoruyacaq kimi görünür.
Arxa tərəfində tək 12 MP kameradan istifadə edən planşetlər, Apple Pencil dəstəkləyir. USB-C ilə təklif olunan bu modellərin ön tərəfində isə 12 MP geniş bucaqlı kamera mövcuddur. Qiymət tərəfində isə 11 düymlük yeni iPad Air 128GB yaddaş ilə 599 dollara, 13 düymlük versiya isə 799 dollara təklif olunur.
