Sadəcə 4 il əvvəl buraxılan birinci nəsil Samsung Galaxy Z Flip artıq proqram yenilənmə dəstəyi əldə etməyəcək. Beləliklə deyə bilərik ki, Samsung şirkətinin son dövrlərdə xüsusi diqqət ayırdığı qatlana bilən smartfonlar da artıq köhnəldi. Cənubi Koreyalı texnologiya nəhəngi ilk qatlana bilən smartfonu üçün artıq proqram yenilənmə dəstəyi verməyəcək.
Əgər sizdə Galaxy Z Flip-in 5G olmayan versiyalarından birinə sahibsinizsə, smartfonunuz bundan sonra Android 12 əməliyyat sistemi ilə istifadə olunmağa davam edəcək. Yanvar ayında təhlükəsizlik yeniləməsini alan smartfonun son bir təhlükəsizlik yeniləməsi ala biləcəyi, lakin bu yeniləmədən sonra dəstəyinin dayandırılacağı bildirilib. Digər tərəfdən, bu vəziyyət sadəcə cihazın LTE versiyası üçün keçərlidir. 5G dəstəkli Galaxy Z Flip variantı isə ən azı altı ay ərzində təhlükəsizlik yeniləmələrini almağa davam edəcək. Bunun səbəbi isə 5G versiyasının LTE versiyasından 6 ay sonra buraxılmasıdır.
Ümumiyyətlə, Samsung brendi müəyyən dərəcədə Galaxy Z Flip-dən imtina etmiş kimi görünür. 2020-ci ilin digər flaqman modelləri olan Galaxy S20 seriyası bu il beşinci dəfə yeniləmə alacaq. Görünən odur ki, Samsung ilk seriyalı qatlanan smartfonlarının aşağı satış rəqəmlərinə sahib olmasından daha az yenilənmə dəstəyinə ehtiyac duyub. Bununla belə, birinci nəsil Samsung Galaxy Z Flip, son illərin ən məşhur seriyalarından birinin pioneri kimi yadda qalacaq.
