Qualcomm bu dəfə flaqman cihazlara qarşı rəqabət apara bilməsi üçün orta seqment smartfonlarında istifadə olunması üçün nəzərdə tutulmuş Snapdragon 8s Gen 3 çipsetini təqdim edib. Ümumiyyətlə, Qualcomm öz çipsetlərini əsasən rəqəmlərlə təsnif edir. Bəzən isə onları + və ya s ilə işarə edərək müxtəlif bölmələrə ayırır. Bu gün şirkət premium 8 Gen 2 və 8 Gen 3 çipləri qədər bahalı olmadan premium Snapdragon xüsusiyyətlərini təklif edən 8s Gen 3 çipsetini təqdim edib.
Qeyd edək ki, yeni Snapdragon 8s Gen 3, 3.30Ghz tezlikli Cortex-X4 əsas nüvəsi, 2.8GHz-də dörd performans nüvəsi və 2.0GHz-də üç səmərəli nüvəsi olan 4nm çipsetdir. 24GB yaddaşa və 4200 MHz tezliyinə qədər RAM dəstəkləyən yeni çipset həm UFS 4.0 yaddaş texnologiyasını da dəstəkləyir. Bu çipset 1+4+3 konfiqurasiyasına sahibdir. Habelə, bu çipseti ən çox diqqət mərkəzinə gətirən onun flaqman çipsetlərdə yer alan Cortex-X4 əsas nüvəsinə sahib olmasıdır. Qeyd edək ki, daha aşağı tezlikli Cortex-X4 nüvəsi çipsetin flaqman çipset seriyaları ilə belə rəqabət aparmasına imkan verir.
Generativ süni intellekt modellərinin birbaşa telefonlarda işləməsini dəstəkləyən yeni çipset, 10 milyarda qədər parametrə malik böyük dil modellərini işlədə bilir və Llama 2 və Gemini Nano dəstəkləyir. Süni intellekt tərəfində çipsetin ən çox diqqət çəkən xüsusiyyəti isə Adreno 735 GPU ilə təchiz edilməsidir. Xatırladaq ki, flaqman 8 Gen 3 çipseti Adreno 750 ilə təchiz edilmişdi. Bundan əlavə, yeni orta səviyyəli çipset, 8 Gen 3-dən fərqli olaraq, X75 ilə deyil, X70 5G modemi ilə Wi-Fi 7 əlaqə dəstəyinə sahibdir. Süni intellekt bir yana, yeni çipset flaqman kamera təcrübəsi və yüksək səviyyəli oyun performansı təqdim etməyi hədəfləyir. Kamera tərəfində çipset Hexagon NPU ilə əl-ələ verən üçqat 18 bitlik ISP-ni özündə cəmləşdirir. ISP+NPU kombinasiyası həmçinin qaranlıqda təsvirin keyfiyyətini yaxşılaşdırır və hətta şəklin üstündən rəngləmə apara bilir.
Oyun üçün Snapdragon 8s Gen 3 (SM8635) güclü Adreno GPU ilə təchiz olunub. Sürətləndirilmiş şüa izləmə dəstəkli çipset Adreno Frame Motion Engine 2.0 ilə əlavə enerji sərfiyyatı olmadan kadr sürətini ikiqat artıra bilər. Həmçinin Snapdragon Game Super Resolution isə heç bir əlavə xərc çəkmədən təsvirə əlavə piksellər əlavə edir.
