Apple şirkəti ötən həftə yeni M3 prosessorlu MacBook Air modellərini təqdim etmişdi. Belə ki, 13 düym və 15 düym ekran ölçülərinə malik yeni noutbuklar texnologiya həvəskarları tərəfindən maraqla qarşılanmışdı. İndi isə Max Tech YouTube kanalının müəllifləri yeni noutbuklardan birinci sınaqdan keçiribləri. Nəticə etibarilə ortaya çıxıb ki, yeni MacBook Air modellərində olan M3 prosessoru yük altında 114ºC isinir.
M3 prosessorlu 15 düymlük yeni MacBook Air modelini sınaqdan keçirərkən bloqer 3D Mark Wild Life Extreme və Cinebench 2024 etalonundan istifadə edərək cihazın uzunmüddətli yüksək yük altında necə davrandığını görmək üçün istifadə edib. Sınaq zamanı isə orta CPU temperaturu 107 ºC və orta GPU temperaturu 103 ºC olub. Eyni zamanda, cihazın korpusunun temperaturu 46 ºC-ə çatdı. Maraqlısı budur ki, MacBook Air prosessoru 114ºC-ə qədər isinir. MacBook Air-lərin son bir neçə nəsli passiv soyutma ilə təchiz olunduğundan, aparat komponentlərinin həddən artıq isinməsi heç də təəccüblü olmamalıdır. Qeyd edək ki, M2 prosessorlu əvvəlki nəsil MacBook Air-lərdə də oxşar problem var idi.
Bundan əlavə, Apple brendinin yeni M3 prosessorlu MacBook Air modelləri ilkin olaraq performans tərəfində sələfindən daha yüksək nəticə göstərir. Belə ki, yeni M3 prosessoru M1-dən 60%-ə qədər yüksək performans təklif edir. Əvvəlki M2 ilə müqayisədə isə, tək nüvədə 17%, çox nüvədə isə 21% performans artımı təmin edir. Qeyd edək ki, GPU performansında 15% artım olduğu da bildirilir.
