Apple şirkətinin daim cihazları üçün yenilik axtarışında olduğu hər kəsə məlumdur. Belə ki, ABŞ mərkəzli texnologiya nəhəngi indiyə qədər bir çox innovativ funksiyası üçün patent müraciəti etmişdi. Hətta Vision Pro modelində qarşımıza çıxan Iris ID barədə şirkət bir neçə ilə əvvəl də patent müraciəti etmişidi. İndi isə Apple “düşünərək mahnıları dəyişməyə imkan verən” AirPods modelləri hazırlamaq üçün patent müraciəti edib.
Xatırladaq ki, ötən ilin iyul-avqust aylarında AirPods modelləri ilə bağlı bir çox iddialar səsləndirilmişdi. Belə ki, bu iddialardan ən çox diqqət çəkənləri Yeni AirPods modelləri ilə artıq qızdırma ölçməyin mümkün olacağı idi. İndi isə proqnozları və iddiaları ilə məşhur olan Dora Özsoy sosial media hesablarının birindən elan edib ki, Apple “düşünərək mahnıları dəyişməyə imkan verən” yeni AirPods üçün patent müraciəti edib. Ümumiyyətlə, ötən il “Beyin dalğasının aşkarlanması sensorları” ilə təchiz edilmiş AirPods modeli Apple patentində təsvir edilmişdi. Məhz yeni patent də bu bio-sensorlar ilə qaynaqldır.
Qeyd edək ki, AirPod-ların xarici qabığına və uclarına inteqrasiya edilmiş bir sıra sensorlar ABŞ Patent və Ticarət Nişanları İdarəsinə təqdim edilmiş patentdə təsvir edilmişdi. Bu patentin alınması əslində Apple brendinin gələcəkdə bio-siqnallardan istifadə edərək yenilikçi funksiyalar ilə qarşımıza çıxacağını göstərirdi. Görünən odur ki, Apple artıq işə qoyulub.
