Avropa Birliyinin yeni qərarına uyğun olaraq iPhone istifadəçiləri mart ayından etibarən App Store-dan kənar tətbiq mağazalarından da proqramlar yükləyə biləcəklər. Məhz bu çərçivədə iPhone modelləri üçün ilk alternativ tətbiq mağazalarından biri Setapp elan edilib. Qeyd edək ki, istifadəçilər iOS 17.4 yenilənməsi ilə Avropada App Store-dan asılı halda qalmayacaq. Ümumiyyətlə Apple Avropa Birliyinin yeni qərar ilə kilidlərini tək-tək açır deyə bilərik.
MacPaw, Setapp-ın aprel ayından etibarən Avropa Birliyində iPhone istifadəçiləri üçün alternativ tətbiq mağazası kimi xidmət edəcəyini açıqladı. Hətta tətbiq mağazasının beta versiyası onu sınaqdan keçirmək istəyənlər üçün açıqdır. Ümumiyyətlə, alternativ tətbiq mağazaları, Apple-ın Rəqəmsal Bazarlar Aktı ilə uyğunlaşmaq üçün iOS 17.4 yeniləməsi ilə AB-də həyata keçirdiyi bir sıra dəyişikliklər arasındadır. Bundan əlavə, Mac üçün Setapp, abunə əsaslı xidmət də elan ediləcək. Artıq istifadəçilər sadəcə ayda 9.99 dollar ödəməklə bir çox məşhur tətbiqdən istifadə etmək imkanı qazanacaq.
Qeyd edək ki, MacPaw, Epic Games ilə birlikdə Avropada iPhone üçün alternativ proqramlar bazarı təklif etmək planını elan edən ilk şirkətlərdən biridir. Həmçinin, Mac-da Setapp abunəçiləri QR kod sistemi vasitəsilə iOS proqramlarına daxil ola biləcəklər. Beta versiyada məhsuldarlıq və biznes alətləri, yaradıcı və dizayn proqram təminatı, həyat tərzi və məhsuldarlıq, kommunal xidmətlər və fərdiləşdirilmiş peşəkar alətlər daxil olmaqla diqqətlə seçilmiş proqram kateqoriyaları əlçatan olacaq. Apple şirkətinin inqilabi yenilənməni mart ayının 6-da və ya ondan əvvəl təqdim edəcəyi gözlənilir.
