Kriptovalyuta bazarının ən dəyərli valyutası hesab olunan Bitcoin ötən gecə yenidən həyata qayıdıb. Belə ki, uzun müddətdir dəyərsizləşməyə davam edən Bitcoin nəhayət 2024-cü il üçün bir neçə rekorda eyni anda imza atıb. Əvvəlcə Bitcoin bu ilki rekordunu qıraraq 53 min dolları ötüb. Daha sonra isə Bitcoin bir neçə yeni rekorda da imza ataraq 57 min dollara yüksəlib.
Bu xəbəri dərc edərkən kriptovalyuta bazarında kiçik bir dəyişiklik baş verdi və Bitcoin 56 min dollar civarında dəyərə sahib oldu. Qeyd edək ki, treyderlər ötən gecədən başlayaraq kütləvi şəkildə qazanc əldə edirlər, ona görə də məzənnə hər an aşağı tendensiyada dəyişə bilər. Ümumiyyətlə bazarda alıcılardan daha çox satıcı olarsa məzənnə hər zaman aşağıya doğru dəyişə bilər. Xatırladaq ki, ötən günlərdə təxminən 2 həftə əvvəl Bitcoin uzun aradan sonra 50 min dolları ötmüşdü. Görünən odur ki, müsbət tendensiya davam edib və o, yeni rekordlara da imza atıb.
Ümumiyyətlə kriptovalyuta bazarında enmələrin və yüksəlmələrin yaşanması çox normal hal kimi qəbul edilir. Lakin Bitcoin ötən dövrdə ən çox dəyərlənən valyuta olduğu üçün minlərlə insan varlanmışdı. Məhz gündəm olan Bitcoin bir çox insan tərəfindən alındıqdan sonra isə minlərlə insanın da pul tiriməsinə səbəb olmuşdu. Qeyd edək ki, bitcoinin qiyməti sonuncu dəfə 2021-ci ilin dekabr ayında 54000 dollar səviyyəsini keçib. Əgər Bitcoin barədə hələ də məlumatsız olan varsa qeyd edək ki, Bitcoin blokçeyn texnologiyasına əsaslanan mərkəzləşdirilməmiş kriptovalyuta sistemidir. Konsept ilk dəfə 2008-ci ilin noyabrında Satoshi Nakamoto təxəllüsü ilə nəşr edilmişdir. Bitcoinin populyarlığı yalnız son illərdə əhəmiyyətli dərəcədə artıb.
