Azərbaycan startap ekosistemi durmadan inkişaf edir. Belə ki, bu dəfə qlobal səviyyədə uğur qazanan və həmtəsisçisi Azərbaycanlı olan Dosty startapı “launch” edib. Qeyd edək ki, Ayaz Əhmədov-un həmtəsisçisi və CEO-su olduğu startap artıq rəsmi olaraq bütün platformalar üçün təqdim edilib. Ümumiyyətlə Dosty startapı nədir?
İlk öncə onu qeyd edək ki, Dosty, ev heyvanlarının valideynləri üçün hərtərəfli həllər təqdim edərək, ev heyvanlarına qulluqda inqilab edir. Tətbiq yeni ev heyvanları sahiblərinin qarşılaşdığı narahatlıq və qarışıq məlumatlar çoxluğu, o cümlədən tədiqlənməmiş onlayn resurslardan əldə edilən məlumatların müxtəlifliyi kimi çətinlikləri həll etməyi və aradan qaldırmağı hədəfləyir. Dosty, ev heyvanı pasportu ilə yanaşı, gəzinti və qida izləyiciləri, peyvənd təqvimi və xatırladıcı kimi bir sıra praktik alətlər təklif edir.
Həmtəsisçisi Azərbaycanlı olan Dosty startapı hansı unikallığa sahibdir? Dosty-nin unikallığı onun tədqiqata əsaslanmasından və onun hazırlanmasında mütəxəssislərin, o cümlədən baytarlar və ev heyvanlarının qidalanması üzrə mütəxəssislərin iştirak etməsindən qaynaqlanır. Dosty, mütəxəssis qayğısı ilə hazırlanmış bir sıra vacib xüsusiyyətlər və vidjetlər təqdim edərək ev heyvanlarının valideynləri üçün əvəzsiz köməkçi olmağı hədəfləyir. İndiyə qədər bir mələk investorundan 700 min dollar sərmayə əldə etməyi bacaran startap, 2024-cü ilin aprel/may aylarında bir toxum raunduna hazırlaşır.
Bundan əlavə siz də, Product Hunt platformasında həmyerlimizin təsisçisi olduğu startapı səs verərək dəstəkləyə bilərisiz. Product Hunt istifadəçilərə ən son mobil tətbiqlərdən, vebsaytlardan tutmuş bazarda texnologiya məhsulları və ya xidmətlərinə qədər yeni məhsulları paylaşmağa və kəşf etməyə imkan verən tanınmış platformadır.
