Çoxsaylı sızıntıların ardınca nəhayət flaqman Xiaomi 14 Ultra modeli Çində təqdim edilib. Leica imzalı güclü kamera quruluşu ilə diqqət çəkən Xiaomi 14 Ultra modelinin bütün xüsusiyyətləri və qiyməti elan edilib. Beləliklə, Xiaomi ən güclü Android smartfonunu rəsmi olaraq təqdim edib. Snapdragon 8 Gen 3 çipsetli smartfon olduqca güclü xüsusiyyətləri ilə diqqətləri öz üzərinə cəlb etməyi bacarıb. Ümumiyyətlə dizayn baxımından Xiaomi 14 Ultra modeli 13 Ultra-nın dizayn xəttini davam etdirir. Lakin bu dəfə kamera adası cihazın yuxarı hissəsində demək olar ki, bütün çərçivəni tutur. Bəzi modellərdə smartfonun arxa tərəfi vegan dəri örtüyünə sahib olsa da, digər modellər də Seramik örtükdən istifadə olunub.
İlk öncə qeyd edək ki, smartfon 6.73 düymlük QHD+ təsvir ölçülü OLED ekran panelinə sahib olub. 3000 nit ekran parlaqlığına sahib olan cihazın ekranı 120Hz yenilənmə tezliyinə malik olub. Qeyd etdiyimiz kimi, smartfon öz gücünü Snapdragon 8 Gen 3 çipsetindən alır. Habelə, smartfon 12GB və 16GB olmaqla ram seçimlərinə sahibdir. Həmçinin cihaz 256GB, 512GB və 1TB yaddaş tutumuna sahib olaraq təklif olunur.
Kamera tərəfində isə cihaz əsas kamera olaraq 50 MP Sony LYT-900 sensoru ilə təchiz edilib. Qeyd edək ki, bu kamera f/1.63 ilə f/4.0 arasında dəyişən diapazonlu 1 düymlük sensordur. Bütün digər üç kamera 50MP Sony IMX858 sensorlarından istifadə edir. Geniş bucaqlı kamera 122° FoV və f / 1.8 diyaframa malikdir. Telefoto kamera f/1.8 diyaframa malikdir və 3.2x optik yaxınlaşdırma təklif edir. Arxa tərəfdəki sonuncu periskop kamerası f / 2.5 diyaframa malikdir və 5x yaxınlaşdırma edə bilir. Qeyd edək ki, hər iki yaxınlaşdırma kamerası makro funksiyalara sahibdir. Ultra geniş bucaqlı kameradan başqa, digər üç kamerada OIS mövcuddur. Bundan əlavə, 4K 120 FPS və 8K 30 FPS video çəkilişi edilə bilər. Həmçinin bütün kameralar 4K 60 FPS dəstəyinə malikdir. Ön tərəfdə isə smartfonun kamera parametrləri 32MP kamera sensoru ilə tamamlanır.
Xiaomi kamera tərəfində həmçinin yeni Xiaomi AISP neyron çipindən istifadə edir. Xiaomi AISP xüsusilə 30x və ya daha çox rəqəmsal böyütmə olduqda nəticəni yaxşılaşdırmaq üçün dörd əsas modeldən – “FusionLM”, “ToneLM”, “ColorLM” və “PortraitLM”dən istifadə edəcək. Çində təqdim edilən Xiaomi 14 Ultra modeli batareya tərəfində 90 Vt sürətli şarj və 80 Vt simsiz enerji doldurma dəstəyi ilə 5,300 mAh batareya həcminə sahib olub. Qeyd edək ki, cihaz sürətli şarj ilə sadəcə 12.5 və 20 dəqiqə ərzində 50% şarj edilə biləcək. USB-C portu vasitəsilə 10Gbps USB 3.2 Gen 2 xüsusiyyətlərinə sahib olan telefon IP68 sertifikatına da malikdir. Smartfon həmçinin Android 14 əsaslı HyperOS əməliyyat sistemi ilə gəlir.
Xiaomi 14 Ultra həmçinin Çində ikitərəfli peyk rabitəsinə malikdir. Cihazın Alüminium çərçivəni titan çərçivə ilə əvəz edən Titanium versiyası da mövcuddur. Bundan əlavə, Xiaomi 14 Ultra üçün telefona USB-C vasitəsilə qoşulan və kameraya bənzər tutacaq əlavə edən xüsusi Leica Pro Kiti də buraxılır. Yeni aksesuarda xüsusi kamera düyməsi, həmçinin video yazma düyməsi mövcuddur. Leica Pro Kit daxili 1500 mAh batareyaya malikdir. Batareyanız 80%-dən aşağı düşəndə telefonunuzu doldurur və 90W sürətli şarjı dəstəkləyir.
Xiaomi 14 Ultra Çin qiymətləri
Qeyd edək ki, Xiaomi 14 Ultra 12/256GB, 16/512GB və 16/1TB yaddaş seçimlərində müvafiq olaraq 903 dollar, 973 dollar və 1085 dollar olaraq təklif olunur. Bundan əlavə xüsusi olaraq təqdim edilən Titanium versiya 1224 dollar qiymət etiketinə sahibdir. Hələlik smartfonun qlobal qiymətləri məlum olmasa da, qlobal Xiaomi 14 Ultra modelinin 25 fevralda Barselonada 2024 Mobil Dünya Konqresində təqdim ediləcəyi doğrulanıb.
