Intellectual Lab-dan olan Ryan Walker, Ovrdrive USB adlı qeyri adi USB fləş kart hazırlayıb. Belə ki, Ryan məlumatları qorumaq üçün özünü 100°C-dən çox isidərək məhv edən fləş kart hazırlayıb. Qeyd edək ki, Ryan yen fləş kartın kütləvi istehsalına başlamaq üçün maddi dəstək almaq məqsədi ilə Crowd Supply platformasında vəsait toplama kompaniyası başladıb. Fiziki olaraq özünü məhv edən mexanizmə sahib olan fləş kart olduqca maraq cəlb edib.
Ümumiyyətlə bu gün məlumatların qorunması üçün onları bulud serverlərindən uzaq tutmaq istəyənlər USB fləş kartlardan istifadə edirlər. Bəzən isə bu fləş kartlar qorumasız olduğundan başqalarının əlinə keçdikdə istənilməyən hallar baş verə bilir. Qeyd edək ki, Ovrdrive USB fləş kart standart halda özünü şifrələmir. Fləş kart bir kompüterə qoşulduqda normal şəkildə tanınması üçün, USB port nöqtəsindən arxa-arxaya 3 dəfə sürətli şəkildə taxılıb çıxarılmalıdır. Əgər istifadəçi bunu etməsə fləş kart kompüterdə xətalı kimi görünəcək.
Başlanğıcda məhsulu inkişaf etdirənlər səhv bir əlaqəyə cəhdi edildiyi təqdirdə Ovrdrive-ın özünü məhv etmə xüsusiyyətinə malik olmasını planlayıblar. Daha sonra isə bu tip cihazların kütləvi istehsalının çox çətin olduğu ortaya çıxdığından onlar fikirlərindən imtina ediblər. Bununla belə, Walker son məhsulda özünü məhvetmə mexanizmini toxunulmaz olaraq saxlamağı qərara alıb. Fləş kart idarəetmə panelinə tətbiq olunan gərginliyin artırılması ilə panelin təxminən 100 dərəcəyə qədər isinməsini həyata keçirə bilir. Bununlada cihazın daxilində olan yaddaş məhv edilir. Qeyd edək ki, yeni Ovrdrive 69 dollara satışa çıxarılacaq.
