Kriptovalyuta dedikdə ilk ağla gələn valyutalardan biri olan Bitcoin “yenidən həyata qayıdır”. Belə ki, uzun müddətdir ki, dəyər itirən Bitcoin nəhayət uzun müddətdən sonra dəyərlənərək 50 min dolları ötüb. Ümumiyyətlə kriptovalyuta bazarında enmələrin və yüksəlmələrin yaşanması çox normal hal kimi qəbul edilir. Lakin Bitcoin ötən dövrdə ən çox dəyərlənən valyuta olduğu üçün minlərlə insan varlanmışdı. Məhz gündəm olan Bitcoin bir çox insan tərəfindən alındıqdan sonra isə minlərlə insanın da pul tiriməsinə səbəb olmuşdu.
Ötən aylarda 20 min dollar civarına qədər dəyərsizləşən Bitcoin uzun müddətdən sonra dəyərlənərək 50 min dolları ötüb. Belə ki, 13 Fevral 2024-cü il saat 08:30-da 50 min dolların bir qədər altında olan, lakin ümumilikdə yenidən yüksəlməyə başlayan valyuta, 4%-ə yaxın dəyər qazanıb. Son 7 gündə isə kriptovalyuta 17% dəyər qazanmağı bacarıb. 19 aylıq fasilədən sonra son aylarda ilk dəfə 40 min dolları keçən valyuta hazırda sahiblərini çox sevindirir. Qeyd edək ki, onun ən yaxın rəqibi Ehtereum isə hazırda 2648 dollardır.
Bitcoindən əlavə Ethereum da son 7 gündə 15% dəyərlənib. Qeyd edək ki, 2021-ci ilin Noyabr ayında Bitcoin 68.990 ABŞ dolları ilə bütün zamanların ən yüksək həddinə çatmışdı. Lakin bu dövrdən sonra isə əhəmiyyətli səviyyədə dəyər itirməyə başlayan bitcoin bir çox insan üçün də ağrı-acıya səbəb olmuşdu. Bitcoin, o tarixdən etibarən dəyərinin təxminən yüzdə 50-ni itirmişdi. Ümumiyyələ kriptovalyuta bazarı inanılmaz sürətlə hərəkət edə bilər, bir neçə dəqiqə ərzində böyük enişlər görünə bilər. Başqa sözlə, hazırda Bitcoin-in yüksəlməyə davam edəcəyinə dair heç bir əminlik yoxdur və hər şeyin birdən-birə alt-üst ola biləcəyi ehtimalı heç vaxt unudulmamalıdır.
