İnternetdə hələ təqdim edilməmiş iPhone 16 seriyası barədə qeyri-rəsmi dizayn görüntüləri və konsept render görüntüləri ortaya çıxıb. İnsayderlər tərəfindən verilən məlumatlar əsasında hazırlanmış bu görüntülərə görə, iPhone 16 indi kamera dizaynında dəyişiklik əldə edəcək. Habelə bu kamera dizaynının iPhone X və 11 seriyasına bənzərliyi diqqət çəkib. Görünən odur ki, Apple dizayn tərəfində geriyə qayıdır.
iPhone 16 ilə bağlı ortaya çıxan dizayn görüntüləri onu göstərir ki, kamera sensorları iPhone 11-də olduğu kimi bir-birinin üstündə yerləşdiriləcək və modulun sərhədləri iPhone 15-də olduğu kimi onlardan uzaq olmaq əvəzinə, hamar şəkildə onları əhatə edəcək Başqa bir gözlənilən dəyişiklik Capture düyməsindədir. Yeni görüntülərə əsasən, Apple şirkətinin ən son təqdim etdiyi yenilik hesab olunan Capture düyməsinin ölçüsü indi dəyişəcək.
Əvvəllər insayderlər iPhone 16-nın üç mümkün dizayn variantını nümayiş etdirmişdilər və onların hamısında şaquli kamera bloku var idi. Hələlik yeni modelin ekran ölçüsü barədə məlumat yoxdur, lakin iddialar onu göstərir ki, 16 Pro modelində 6,3 düym, 16 Pro Max isə 6,9 düymlük ekran bizi qarşılayacaq. Ümumiyyətlə Apple hər il smartfon seriyasında cüzi dəyişiklik edir. iPhone 15 seriyasında edilən dəyişikliklərdən ən əsası məhz yeni Titanium rəng seçimi və Caption düyməsi olmuşdu ki, iPhone 16 seriyasında da bu dəyişiklik kamera dizaynı tərəfində ola bilər.
