Valve şirkəti, yanvar ayı üçün Steam istifadəçi sistemlərinin statistikasını ənənəvi olaraq açıqlayıb. Belə ki, bu ay müştərilər arasında o qədər də aktiv hesab olunmasa da, AMD öz prosessorlarının payını Steam platforması tarixində ən yüksək səviyyəyə qaldırmağı bacarıb. Habelə, Windows 11 əməliyyat sistemi istifadəçilərinin payı heç bir problem olmadan 50%-ə yaxınlaşmaqda davam edir. Qeyd edək ki, əsasən oyun tərəfindən istifadəçilər Windows 11-dən uzaq qaçırdı. Bunun səbəbləri isə meydana gələn bir çox xətalar idi. Beləliklə deyə bilərik ki, AMD prosessorları Steam platformasında əvvəlki dövrlərə nisbətən daha populyardır.
Qeyd edək ki, ötən ay Raptor Lake Refresh seriyalı prosessorların daha sərfəli modellərinin satışa çıxarılmasına baxmayaraq, Intel prosessor sahiblərinin platformadakı payı ötən aya nisbətə 0.59% azalıb. Bununla yanaşı, AMD prosessorları da ötən aya nisbətən 0.59% populyarlıq qazanaraq rekord göstəriciyə 34.25%-ə çatıb. Qrafik kartları seqmentində GeForce RTX 3060 istifadəçilərinin platformadakı payı da ötən aya nəzərən cüzi şəkildə azalsa da, hələdə platformada ən populyar qrafik kartı olaraq qalır.
Yanvar ayında Steam istifadəçiləri arasında oyun noutbuklarının populyarlığı da artdı. Məsələn, mobil GeForce RTX 4060 sistemləri platformada payını 0,58 faiz artırıb. Hətta artım mobil RTX 3060 ilə də müşahidə olunub. Ötən ayın sonunda sorğu iştirakçılarının 44,2%-i Windows 11 əməliyyat sistemindən istifadə edirdi. Hətta ötən aya nisbətən Windows 10 istifadəçilərinin payı da 2% azalıb.
