Çinlilər hərşeyin kopyasını yaratmaqdan hələ də əl çəkmir. Belə ki, bu dəfə Çində Mate 60 kamera dizaynına sahib olan Coolpad Golden Century Y60 adlı düyməli ağıllı smartfon təqdim edilib. Ümumiyyətlə düyməli smartfonlar həyatımızda uzun müddətdir ki, yoxdur. Lakin Çində həm düyməli, həm də android əsaslı yeni smartfon təqdim edilib. Hətta bu smartfonun ən maraqlı xüsusiyyətlərindən biri Mate kamera dizaynına birəbir sahib olmasıdır.
Çinin “Coolpad” brendi bu dəfə həm düyməli, həm də ağıllı olan yeni telefonu ilə maraq cəlb edib. Yeni smartfon Golden Century Y60 adlanır və ilk baxışda onu adi düyməli telefonlardan fərqləndirmək mümkün deyil. Yeni smartfon 3.5 düymlük sensor ekrana və 8 nüvəli çipsetə sahib olub ki, cihazın daxilinə həm də 5G modem inteqrasiya olunub. 3GB Ram, 32GB fləş yaddaşa sahib olan cihazın proqram platforması da Android 13 əsaslı CoolOS 3.0-dür. Smartfon arxa tərəfdə Mate 60 kamera dizaynına sahib olsa da, sadəcə bir kamera sensoruna sahibdir.
Həmçinin yeni smartfon batareya tərəfində 3100 mAh batareya əldə edib. USB-C portuna sahib olan bu cihazın 5-7 gün şarj saxladığı iddia olunur. Ölçüləri 146 × 61,5 × 12,5 mm olan Coolpad Golden Century Y60 adi yığcam smartfonlardan çox da fərqlənmir. Hətta cihazın çəkisi sadəcə 176 qramdır. Smartfonun qiyməti isə hələ də sir olaraq qalır.
