Çin elektrikli avtomobil sənayesində diqqət çəkməyə davam edir. Belə ki, bu dəfə Çinin, o cümlədən elektrikli avtomobil bazarının nəhəngi olan BYD 14 min dollara kompakt SUV elektromobil satışa çıxaracaq. BYD Atto UP adlı yeni krossoverin rəsmi görüntüləri də artıq yayılıb. Görünən odur ki, yaxında BYD bütün bazarlarda yeni Atto Up adlı kompakt və sərfəli elektromobili ilə çıxış edəcək. Ümumiyyətlə son dövrlərd Çində istehsal olunan elektromobillərin qiyməti olduqca ucuzlaşıb. Məhz bu ucuzlaşma Tesla və digər avropalı avtomobil nəhənglərini ciddi narahat edir.
BYD Yuan ailəsinin ən kiçik krossoveri e-Platform 3.0 arxitekturasında qurulmuşdur. Qeyd edək ki, BYD Atto UP adlanan yeni krossover brendin Song L-ə bənzəyən yenilənmiş Dragon Face dizayn dilini izləyir və ona sadiq qalır. Belə ki, elektromobil vahid ön bamperə, Yuan loqosuna və uzun led faralara sahib omuşdur. Üfüqi arxa faraya sahib olan elektromobil BYD dizaynına olduqca sadiq qalır. 4.3 metr uzunluğunda olan BYD Atto Up modeli 95 və 177 at gücünə sahib mühərrik variantları ilə qarşımıza çıxa bilər. Habelə elektromobil 301 və 401 km olmaqla da fərqlənəcək. 31 kVt və ya 54.1 kVt batareya seçimlərinə sahib olan elektromobil 2024-cü ilin mart ayından satışa çıxacaq.
Bu gün ilk rəsmi görüntüləri paylaşılan 14 min dollar dəyərində olan yeni BYD elektromobil rəqabətədavamlı qiyməti ilə həm Çində, həm də Avropada B-SUV kateqoriyasındakı tarazlığı poza bilər. 16 və ya 17 düymlük təkər disklərinə, panoramik lyuka sahib olan elektromobilin maksimal sürəti sadəcə 160 km/saat ilə məhdudlaşdırılacaq. Qeyd edək ki, elektromobilin dəqiq satış qiyməti və digər texniki detalları yaxın həftələrdə paylaşılacaq.
