Ötən il bir çox şirkətin böyük həcmli işdən çıxarmalar etdiyi hərkəsə məlumdur. Məhz bu işdən çıxarmalardan ən böyüyü də demək olar ki, Google şirkəti tərəfindən həyata keçirilmişdi. Təbii ki, işçilərin işdən çıxarılması daha çox gəlir əldə etmək məqsədi güdsə də, bəzən şirkətə milyardlarla dollara başa gəlir. Belə ki, Google şirkəti ötən il sadəcə işçilərin təzminatı və işdən çıxarılma məsrəflərinə görə 2.1 milyard dollar xərcləyib. Bundan əlavə isə Google-ın əsas şirkəti olan Alphabet ötən ilin son rübündə 85 milyard dollar gəlir əldə etməyi bacarıb. Həmçinin, Google-un axtarış gəlirləri 48 milyard dollara yüksəlib.
Ümumiyyətlə Google-un əsas şirkəti olan Alphabet 2022-ci ilin son rübündə 76 milyard dollar gəlir əldə etmişdi. Bu il isə bu gəlir məbləği 13% artaraq 85 milyard dollar təşkil edib. Habelə, şirkətin bu rübdə əməliyyat gəliri 23,7 milyard dollar olduğu halda, xalis gəliri 20,7 milyard dollar olub. Bu məbləğ bir il əvvəl 13,62 milyard dollar idi. Google-un axtarış gəliri 48 milyard dollara yüksəldiyi halda isə, ümumi reklam gəliri 11% artıb. Alphabet-in CFO-su Ruth Porat, bildirir ki, “2023-cü ili çox güclü dördüncü rüb maliyyə nəticələri ilə bağladıq. Dördüncü rübdə konsolidasiya edilmiş gəlirlərimiz illik müqayisədə 13 faiz artaraq 86 milyard dollara çatdı”.
Google şirkəti ötən ilin dördüncü rübündə güclü maliyyə nəticələri əldə etmək üçün məhz işdən çıxarmalar həyata keçirmişdi ki, bu işdən çıxarmalar üçün də şirkət milyardlarla dollar xərcləyib. Belə ki, Google sadəcə ötən il işdən çıxardığı işçilərin təzminatı və digər məsrəfləri üçün 2.1 milyard dollar ödəmək məcburiyyətində qalıb. Habelə 2024-cü ilin cəmi bir ayında şirkət 1000-dən çox insanı əhatə edən işdən çıxarmaların bir hissəsi olaraq işçilərin işdən çıxarılması xərclərinə 700 milyon dollar xərcləyib.
